Advertisement
२७ असोज,काठमाडौं । बजाज मोटरसाइकलको आधिकारिक बिक्रेता हंसराज हुलासचन्द एण्ड कम्पनीले आयोजना गरेको ‘ग्राण्ड कार्निभल’ भृकुटीमण्डपमा चलिरहेको छ ।
सो कार्यक्रममा कम्पनीले नयाँ रङको पल्सर एन १६० सार्वजनिक गरेको छ । क्यारिवियन ब्लु कलर (नीलो रङ) को सो बाइकको मूल्य रेगुलर मोडल सरह ३ लाख ९३ हजार ९०० तोकिएको छ । रङबाहेक यसमा अन्य कुनै परिवर्तन गरिएको छैन ।
ग्राण्ड कार्निभलमा ग्राहकले उच्च मूल्यांकन र सरल फाइनान्स सुविधामा मोटरसाइकल किन्न र एक्सचेन्ज गर्न पाउने कम्पनीले जनाएको छ ।
कार्निभलमा १८ भन्दा धेरै भ्यालुएसन कम्पनीहरु सहभागी छन् । कार्निभलमा जुनसुकै कम्पनीको मोटरसाइकल ल्याएर बजाजको मोटरसाइकल साट्न सकिने कम्पनीले जनाएको छ । कार्निभलमा ग्राहकले कम डाउन पेमेन्ट वा शून्य प्रतिशत ब्याजदरको सुविधा छनोट गरेर मोटरसाइकल खरिद गर्न पाउनेछन् ।
फेस्टिभ स्किम अन्तर्गत ग्राहकले बजाज मोटरसाइकलको खरिदमा २५ गुणासम्म नगद क्यास जित्न सक्नेछन् । दशैंको अवसर पारेर काठमाडौंको भृकुटीमण्डपमा कम्पनीले २४ गतेदेखि सुरु गरेको ग्राण्ड कानिर्भल २९ गते सोमबारसम्म चल्नेछ ।
Comments
