Advertisement

‘फर्की फर्की’ गीतः नरेनको ‘अन्तिम माया’मा अनमोल–जसिताको विछोडको कथा

0 41

Advertisement

२२ बैशाख, काठमाडौँ । गायक, संगीतकार तथा गीतकार नरेन लिम्बुको सुपरहिट गीत ‘अन्तिम माया’लाई जेठको १० गतेबाट रिलिजमा आउन लागेको फिल्म ‘फर्की फर्की’मा रिक्रियट गरिएको छ ।

आज सार्वजनिक यो गीतले फिल्मको भाव बोकेको छ । श्रोताले यो गीतलाई निकै मन पराएका थिए । यो गीतको भिडियो भने तयार भएको थिएन । फिल्म ‘फर्की फर्की’को टिमले यसको भिडियो फिल्मको भाव अनुसार तयार पारेको छ ।

सुयोग गुरुङको लेखन तथा निर्देशनमा तयार भएको फिल्मको यो गीतको भिडियोमा फिल्मका मुख्य कलाकारहरू नायक अनमोल केसी र नायिका जसिता गुरुङको प्रेम बियोग देखाइएको छ । अनमोल र जसिताको प्रेममा असमझदारी आएपछि उत्पन्न हुने परिस्थितिलाई यो गीतको भिडियोमा समावेश गरिएको छ ।

रोहित अधिकारी र ओम प्रकाश अग्रवालको निर्माणमा तयार भएको फिल्ममा मनोज वली र रामु न्यौपाने सह–निर्माताको रुपमा छन् । मोती कार्की र अनि रुद्र गिरी फिल्मका कार्यकारी निर्माता हुन् ।

नरेन्द्र मैनालीको छायांकन रहेको फिल्ममा किरण थापाको कोरियोग्राफी, अष्ट महर्जनको एक्सन, सुरेन्द्र पौडेलको सम्पादन छ । शंकर पाण्डे फिल्मका प्रोडक्सन हेड हुन् ।

यो फिल्ममा रवि काफ्ले, समृद्धि अर्याल, निर्मल शर्मा, कृष्ण मल्ल लगायतका कलाकारको पनि अभिनय छ । फिल्ममा नायक सलोन बस्नेतको विशेष भूमिका छ ।

फिल्मको ट्रेलर सार्वजनिक भएसँगै यसको हाइप उच्च छ । फिल्मको सार्वजनिक शीर्ष गीतले पनि दर्शकको साथ पाइसकेको छ । अब, यो गीतले फिल्मप्रति दर्शकको चासो अझै बढाउने देखिन्छ ।



मल्टिमिडिया ग्यालरी


© Nepali horoscope

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.