Advertisement
२१ असाेज, काठमाडाैं । साताको पहिलो दिन आज आइतबार सुनको भाउमा वृद्धि भएको छ । शुक्रबार स्थिर रहेको सुनको भाउमा आज ३०० रुपैयाँले वृद्धि भएको हो ।
आज ३०० रुपैयाँ वृद्धि भएसँगै छापावाला सुनको भाउ १ लाख ७ हजार ६०० रुपैयाँ पुगेको छ । शुक्रबार छापावाला सुनको भाउ १ लाख ७ हजार ३०० रुपैयाँ तोकिएको थियो । यस्तै आज तेजाबी सुनको भाउ प्रतितोला १ लाख ६ हजार ७०० रुपैयाँ तोकिएको नेपाल सुनचाँदी व्यवसायी महासंघले जनाएको छ । साताको अन्तिम कारोबार दिन तेजावी सु्न १ लाख ६ हजार ४०० रुपैयाँ तोकिएको थियो ।
आज चाँदी प्रतितोला १ हजार ३३० रुपैयाँमा कारोबार भइरहेको छ । चाँदी १ हजार ३१० रुपैयाँमा कारोबार भएको थियो ।
अन्तर्राष्ट्रिय बजारमा आज सुन प्रतिऔंस १ हजार ८३२ दशमलव ५४ डलरमा कारोबार भइरहेको छ भने चाँदी प्रतिऔंस ५९ डलरमा कारोबार भइरहेको छ ।
Comments
