Advertisement
१३ असोज, काठमाडौं । जितीया पर्व २०७८ को अवसरमा नेपाली कांग्रेसका सहमहामन्त्री डा.प्रकाशशरण महतले शुभकामना व्यक्त गर्नुभएको छ ।
नेपालको तराई र मधेशका मैथिल र थारु समुदायका महिलाहरुले हर्षोल्लासपूर्वक मनाउने जितीया पर्वको अवसरमा स्वदेश तथा विदेशमा रहनुभएका यस समुदायका समस्त दिदीबहिनीहरुमा सुस्वास्थ्य,दीर्घायु,सुख–शान्ति,समृद्धि र उत्तरोत्तर प्रगतिकोलागि हार्दिक शुभकामना व्यक्त गर्नुभयो ।
आफ्ना सन्ततिको सुस्वास्थ्य,दीर्घायु,सुख,शान्ति,समृद्धि र प्रगतिको लागि मनाइने यस पर्वले परिवार र समुदायमा आपसी प्रेम र सद्भाव अभिबृद्धि गर्दै सामाजिक एकता बलियो बनाउने मैले विश्वास लिएको छु ।
परापूर्वकालदेखि अबलम्बन गरिर्दै आएका विभिन्न धर्म,संस्कृति र परम्पराले नेपालको विशिष्ट पहिचान दिएका छन् । यी सांस्कृतिक निधिहरु पारिवारिक र सामुदायिक सद्भाव, शान्ति, एकता र आपसी सहयोग अभिबृद्धि गर्ने माध्यम पनि हुन् । तिनकोे संरक्षणमा राज्यले समेत विशेष ध्यान दिनुपर्दछ । नेपाली कांग्रेस हाम्रा धर्म,संस्कृति र परम्पराको संरक्षण र सम्बर्धन गर्दै नेपाली समाजलाई समुन्नत र सुसंस्कृत बनाउन कटिबद्ध रहदै आएको ब्यहोरा पनि म स्मरण गराउन चाहन्छु ।
जितीया पर्व उल्लासमय वातावरणमा सम्पन्न हुन सकोस् । मेरो शुभकामना उहाँले बताउनुभयो ।
Comments
