सीजी फुड पार्कमा भएको घटनाप्रति परिसंघको आपत्ति
२३ वैशाख, काठमाडौं । सीजी फुड पार्कमा शुक्रबार भएको आक्रमणको घटनाप्रति नेपाल उद्योग परिसंघले आपत्ति जनाएको छ ।
सीजी फुडमा कार्यरत कर्मचारीमाथि हातपात एवम भौतिक सम्पत्ति तोडफोड भएको घटना निन्दनीय रहेको परिसंघले जनाएको छ ।
देशकै प्रमुख औद्योगिक घराना चौधरी ग्रुपबाट सञ्चालित उद्योगमाथि भएको घटनामा संलग्न जो कोहीलाई कानुनी दायरामा ल्याउन परिसंघले माग गरेको छ ।
अहिलेको विषम परिस्थितिमा निरुत्साहित बनिरहेको निजी क्षेत्रको मनस्थितिलाई यस्ता घटनाले थप हतोत्साही बनाउने, लगानीको वातावरण बिग्रने र समृद्ध अर्थतन्त्रको प्रयासमा गम्भीर असर पार्ने भएकाले यस्ता कार्यलाई निरुत्साहित गर्न कडा रुपमा प्रस्तुत हुन नेपाल सरकार, प्रशासन एवम् सम्बन्धित सरोकारवालाको गम्भीर ध्यानाकर्षण गराइएको छ ।