पाँचथर पावरले लाभांश पारित गर्न डाक्यो साधारण सभा
२५ मंसिर, काठमााडाैं । पाँचथर पावर कम्पनी लिमिटेडले गत आर्थिक वर्षको नाफाबाट प्रस्ताव गरेको लाभांश पारित गर्न साधारण सभा बोलाएको छ ।
कम्पनी सञ्चालक समितिको बैठकले पुस १८ गते होटल इम्पेरियल काठमाडौँ, बत्तीसपुतलीमा बिहान ११ बजे सातौँ वार्षिक साधारण सभा डाकेको हो ।
सभाले सञ्चालक समितिले प्रस्ताव गरे बमोजिम गत आवको नाफाबाट लगानीकार्तालाई चुक्ता पुँजी ९६ करोड २५ लाख रुपैयाँको ७ प्रतिशतका दरले ६ करोड ७३ लाख ७५ हजार रुपैयाँ बराबरको नगद लाभांश वितरण गर्ने प्रस्ताव पारित गर्नेछ ।
साथै सभाले गत आर्थिक वर्षको वार्षिक प्रतिवेदन, नाफा–नोक्सान हिसाब तथा नगद प्रवाह विवरणमाथि छलफल गरी पारित गर्ने साथै सभाले लेखापरीक्षक नियुक्त गर्ने प्रस्ताव पनि पारित गर्नेछ ।
साधारण सभा तथा लाभांश वितरण प्रयोजनार्थ कम्पनीले पुस ७ गते एक दिन बुकक्लोज गर्ने भएको छ । बुकक्लोज अनुसार पुस ६ गतेसम्म नेपाल स्टक एक्सचेञ्जमा सेयर कारोबार भइ कायम रहने सेयरधनीहरुले मात्र लाभांश प्राप्त गर्न र साधारण सभामा सहभागिता जनाउन सक्नेछन् ।