सत्यमोहन जोशीलाई डेंगु संक्रमण
०८ असोज, काठमाडौं । वाङमय पुरुष सत्यमोहन जोशीलाई डेंगु संक्रमण भएको छ ।
कमजोर महसुस र खानामा अरुचि भएपछि अस्पतालको आकस्मिक कक्षमा आएका जोशीको परीक्षण गर्दा डेंगु पुष्टि भएको किष्ट मेडिकल कलेजले जनाएको छ ।
१०२ वर्षका जोशीमा पिशाव संक्रमणका साथै पुरानै छाती तथा मुटुको समस्या पनि रहेको अस्पतालले जनाएको छ ।
अस्पतालको डिलक्स क्याबिनमा उपचार गराइरहेका उनको अवस्था चिन्ताजनक देखिए पनि डराई हाल्नु पर्ने अवस्था नरहेको अस्पतालको विज्ञप्तिमा उल्लेख छ ।