Advertisement
१३ साउन, काठमाडौं । नेपालमा बाघको संख्या ३५५ पुगेको छ । विश्व बाघ दिवसको अवसर पारेर सार्वजनिक तथ्यांकअनुसार पछिल्लो ४ वर्षमा १२० थपिएका छन् ।
सन् २०१८ मा नेपालमा २३५ बाघ थिए । अहिले ३५५ पुगेको छ । सबभन्दा धेरै चितवन राष्ट्रिय निकुञ्जमा १२८ वटा बाघ छन् भने बर्दिया राष्ट्रिय निकुञ्जमा १२५ वटा छन् । पर्सामा ४१, शुक्लाफाँटामा ३६ र बाँकेमा २५ वटा बाघ छन् ।
अन्तर्राष्ट्रिय बाघ दिवसको अवसरमा आज काठमाडौंमा आयोजित विशेष समारोहमा प्रधानमन्त्री शेरबहादुर देउवाले राष्ट्रिय बाघ गणनाको नतिजा सार्वजनिक गरेका हुन् ।
नेपालले सन् २०१० मा रुसको सेन्ट पिटर्सवर्गमा बाघको संख्या दोब्बर बनाउने संकल्प गरेको थियो । सो संकल्प पूरा गर्न नेपाल सफल भएको छ ।
Comments
