Advertisement

पुष्प व्यवसाय : थोरै लगानीमा धेरै आम्दानी राम्रो

0 22

Advertisement

०८ बैशाख, काठमाडाँ । शुभकार्य र अन्तिम कार्य फूलबाट नै सुरु हुन्छ । फूल आफैंमा पनि सुन्दर वस्तु हो । घरका कौशीमा फूल रोप्ने र फूलाउने धेरैको शोख पनि हुन्छ । पछिल्ला समय धेरैले व्यवसायिक रुपमा पनि फूलको खेती गर्ने गरेका छन् । फूल व्यवसाय सुरु गर्न बढी लगानी पनि नलाग्ने तथा यसको बजार पनि निकै राम्रो भएकाले यसप्रति युवाहरुको आकर्षण बढेको देखिन्छ । विशेषगरी चाडपर्वमा माला बनाउन, सजाउन, कसैलाई स्वागत र बिदाइ गर्न र फूलको प्रयोग गरिन्छ । फूल व्यवसाय गर्नेहरुले स्वदेशमै बसेर राम्रो आम्दानी समेत गरिरहेका छन् ।

फूल खेतीमा गर्दा ध्यान दिनुपर्ने कुराहरु :

फूल रोप्दा मलिलो माटो छनोट गर्न सकेमा उपयुक्त हुन्छ । पर्याप्त मात्रामा जमिनको व्यवस्था गरेर फूल रोप्न सकेमा राम्रो हुन्छ । फूल उत्पादन गर्न चाहनेहरुले आफैंले बीउ बिजन राख्न पनि सक्छन् र नर्सरीबाट पनि लिन सकिन्छ । माटोमा मल मिसाएर रोप्न सकेमा फूल मौलाएर आउने गर्छ । फूल रोपेपछि त्यसको रेखदेख गर्नु जरुरी हुन्छ । उचित समयमा सिचाई गर्ने, मल राख्ने, गोडमेल गर्ने, झार उखल्ने किरा फट्याङ्ग्राबाट जोगाउने काम निरन्तर रुपमा गरिरहनुपर्छ ।

कस्ता फूलहरु बढी बिक्री हुन्छन् ?

रोज, लाहुरे, डाहलिया, गोदावरी, जर्बेरा, पटुनिया, हेज, कार्नेसन, ग्ल्याडिओलास, बगानबेली आदिजस्ता फूलहरुको बिक्री अत्याधिक मात्रामा हुने गरेको पाइन्छ । त्यस्तै चाडपर्वका समयमा अन्य फूलहरु बढि बिक्री हुन्छन् । तिहारको समयमा सयपत्री तथा मखमलीको माग बढी हुन्छ । भ्यालेन्टाइन डे का समयमा रोज को बढि माग हुन्छ ।

फूल खेती गर्न लगानी कति ?

अन्य खेतीमा झै फूलखेतीमा पनि कति लगानी हाल्ने हो त्यो कृषक आफैंमा पनि भर पर्छ । मौसमी फूलहरु सयपत्री, ग्ल्याडिओलास्, ट्युबरोस जस्ता फूलको खेती गर्दा करिब एक लाख देखि ३ लाख सम्मको लगानी भए पुग्छ । बेमौसमी फूल खेती गर्ने हो भने मौसमी फूलको तुलनामा बढी लगानी लाग्छ । किनकि यस्ता फूलहरुका लागि ग्रीन हाउस बनाउनु जरुरी हुन्छ । जसकारण बेमौसमी फूलका लागि बढि लगानी लाग्ने हुन्छ ।

आम्दानी धेरै

सुरुवाती चरणमा थोरै लगानीमा सञ्चालन भएका फूल व्यवसायीहरु अहिले प्रशस्त आम्दानी गरिरहेका छन् । जग्गा भाडामा लिएर विभिन्न प्रजातीका फूल रोप्नेहरुले विस्तारै कामदार राख्ने र उत्पादन बढाउन थालेका छन ।

ललितपुरको गोदावरी नगरपालिका ३ स्थिति नेल गोबिन्द मर्हजन गर्नुभएको व्यवसायीक पुष्प खेतिको तस्वीर हो ।



मल्टिमिडिया ग्यालरी


© Nepali horoscope

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.