Advertisement
०८ जेठ, काठमाडाैँ । सुनको मूल्य आइतबार नेपाली बजारमा शुक्रबारको तुलनामा ७०० रुपैयाँले महङ्गो भएको छ ।
नेपाल सुनचाँदी व्यवसायी महासंघका अनुसार अघिल्लो दिन शुक्रबारको तुलनामा आइतबार सुनको भाउ ७०० रुपैयाँले बढेर छापावाला सुन प्रतितोला ९८ हजार रुपैयाँमा कारोबार भएको छ ।
यस्तै तेजावी सुनको भाउ पनि १ हजार ७०० रुपैयाँले बढ्दै प्रतितोला ९७ हजार ५०० रुपैयाँमा कारोबार भएको छ । चाँदीको भाउ भने आइतबार यथावत नै रहँदै १ हजार २७० रुपैयाँ तोलामा कारोबार भैरहेको छ ।
नेपाली बजारमा शुक्रबार छापावाल सुन तोलाको ९७ हजार ३०० रुपैयाँ र तेजावी सुन ९६ हजार ८०० रुपैयाँमा कारोबार भएको थियो । यस्तै चाँदी प्रतितोला १ हजार २७० रुपैयाँमा कारोबार भएको थियो ।
नेपाल सुनचाँदी व्यवसायी महासंघले अन्तर्राष्ट्रिय बजारमा हुने सुनचाँदीको मूल्यको उतारचढावको आधारमा नेपालमा दैनिक सुन तथा चाँदीको कारोबार मूल्य तोक्दै आएको छ ।
आज अन्तर्राष्ट्रिय बजारमा सुन प्रतिऔंस १ हजार ८४७ र चाँदी प्रतिऔंस २१ दशमलव ७५ डलरको हाराहारीमा कारोबार भइरहेको छ ।
Comments
