Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

आर्सनलविरुद्ध रोनाल्डो पनि खेल्ने

0 122

काठमाडौँ । पोर्चुगिज फरवार्ड क्रिस्टियानो रोनाल्डो इंग्लिस प्रिमियर लिगअन्तर्गत आज हुने आर्सनलविरुद्धको खेल खेल्ने भएका छन् । आफ्नो नवजात छोराको निधनपछि रोनाल्डो यसअघि लिभरपुलविरुद्धको खेलमा अनुपस्थित रहेका थिए ।

रोनाल्डो अनुपस्थित सो खेलमा म्यानचेस्टर युनाइटेड लिभरपुलसँग ४-० गोल अन्तरले पराजित भएको थियो । म्यानचेस्टर युनाइटेडका प्रशिक्षक राल्फ राङ्गनिकले रोनाल्डो प्रशिक्षणमा फर्किएको र शनिबारको खेल खेल्ने पुष्टि गरेका छन् ।

रोनाल्डोले आफ्नो पछिल्लो खेलमा नर्विचविरुद्ध ह्याट्रिक गरेका थिए । राङ्गनिकले क्रिस्टियानो रोनाल्डो आर्सनलसँग प्रिमियर लिगको खेलका लागि छनोटका लागि उपलब्ध रहेको पुष्टि गरेका हुन् । त्यस्तै पाउल पोग्वा भने इन्जुरीका कारण खेल्न नसक्ने भएका छन् ।

राङ्गनिकले पोग्वाका बारेमा भने- ‘डाक्टरले मलाई यो कम्तिमा चार हप्ता लाग्ने बताएको छ र अन्तिम खेल मेको अन्त्य भएकोले, मलाई लाग्दैन कि उनी खेल्ने सम्भावना छ ।’ म्यानचेस्टर युनाइटेड र आर्सनलबीचको खेल नेपाली समय अनुसार साँझ सवा ५ बजेपछि शुरु हुनेछ ।



मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.