Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

२९२ सुन तस्करको सूची सरकारले लुकायो

0 122

२० आश्विन, काठमाडौं । सरकारले ३८ क्विन्टल सुन तस्करीमा संलग्न भनी किटान गरिएका २ सय ९२ जनाको सूची अझै लुकाएको छ ।

गृह मन्त्रालयका तत्कालीन सहसचिव ईश्वरराज पौडेलको संयोजकत्वमा गठित छानबिन समितिले सुन तस्करीमा संलग्नलाई थप अनुसन्धान गरी कारबाहीको दायरामा ल्याउनुपर्ने भनेर २०७५ साउन १६ मा ७ सय ७२ पृष्ठ लामो सुझावसहितको प्रतिवेदन सरकारलाई बुझाएको थियो ।

प्रतिवेदन बुझाएको ३९ महिना पुगिसक्दा पनि प्रतिवेदनमा उल्लेख गरिएका संल्ग्न व्यक्तिमाथि अनुसन्धान गरिएको छैन । समितिका संयोजक पौडेलले प्रधानमन्त्री निवास बालुवाटार पुगेर तत्कालीन प्रधानमन्त्री केपी शर्मा ओलीलाई १ वर्षको अवधिमै तस्करीबाट ३८ क्विन्टल सुन भित्रिएको जानकारी दिँदै त्यसमा संलग्नलाइ कारबाहीको दायरामा ल्याउनुपर्ने बताएका थिए ।

‘प्रतिवेदन सरकारी सम्पति भइसकेको छ, सार्वजनिक गर्ने नगर्ने कुरा सरकारको हो’, हाल कोलकतास्थित महावाणिजयदूत रहेका पौडेलले भने ‘हामीले त सरकारले दिएको जिम्मेवारीअनुसार प्रतिवेदन तयार गरेर बुझाएका हाैं ।’ प्रधानमन्त्री कार्यालयले प्रितवेदन अध्ययनका लागि गृह मन्त्रालयमा पठाएको थियो । कान्तिपुर



मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.