Advertisement
२६ चैत, काठमाडाैं । सुनको भाउले फेरी नयाँ रेकर्ड बनाएको छ । आइतबार रेकर्ड बनाएको सुनको भाउले सोमबार फेरी उक्त रेकर्ड तोडेको हो ।
सोमबार छापावाला सुनको भाउ १ लाख ३६ हजार २०० रुपैयाँमा कारोबार भइरहेको छ । आइतबार छापावाला सुनको भाउ प्रतितोला १ लाख ३५ हजार ६०० रुपैयाँ तोकिएको थियो । सोमबार सुनको भाउ प्रतितोला ६०० रुपैयाँले बढेको हो ।
अमेरिकी रिजर्ब बैंकको नीति, अमेरिकी डलरको मुल्यमा देखिएको मजवुति, द्धन्द तथा चिनले सुनमा बढाएको लगानी लगायतका कारणले सुनको मुल्य उचाइमा पुगेको हो ।
नेपाल सुनचाँदी व्यवसायी महासंघका अनुसार सोमबार तेजावी सुन प्रतितोला १ लाख ३५ हजार ५५० रुपैयाँमा कारोबार भइरहेको छ । आइतबार तेजावी सुन प्रतितोला १ लाख ३४ हजार ९५० रुपैयाँमा कारोबार भएको थियो ।
यस्तै, सोमबार चाँदी प्रतितोला १ हजार ६८५ रुपैयाँमा कारोबार भइरहेको छ । आइतबार चाँदी प्रतितोला १ हजार ६७० रुपैयाँमा कारोबार भएको थियो । सोमबार चाँदी प्रतितोला १५ रुपैयाँ बढेको हो ।
अन्तराष्ट्रिय बजारमा हुने कारोबारका आधारमा नेपालमा सुनचाँदीको मूल्य निर्धारण गर्ने गरिएको छ । अन्तराष्ट्रिय बजारमा सोमबार सुन प्रतिऔंस सुन २ हजार ३४२ दशमलव ९३ डलरमा कारोबार भइरहेको छ भने प्रतिऔंस चाँदी २७ दशमलव ८१ डलरमा कारोबार भइरहेको छ ।
मल्टिमिडिया ग्यालरी
Comments
