नीति तथा कार्यक्रम राष्ट्रिय सभाबाट बहुमतले पारित
०९ जेठ, काठमाडौं । राष्ट्रिय सभाबाट आर्थिक वर्ष २०८०/८१ को लागि वार्षिक नीति तथा कार्यक्रम बहुमतले पारित भएको छ। उक्त नीति तथा कार्यक्रमका विपक्षमा नेकपा एमालेका सांसदहरुले मत राखेका थिए।
एमालेका तर्फबाट विमला राई पौड्याललगायतले संशोधन प्रस्ताव राखेका थिए। फिर्ता नलिइएका उक्त प्रस्तावसमेत अस्वीकृत भएका छन्।
राष्ट्रिय सभामा मंगलबार नै प्रधानमन्त्री पुष्पकमल दाहाल प्रचण्डले सांसदका तर्फबाट उठेका प्रश्नमाथि जवाफ दिएका थिए। प्रतिनिधि सभामा भने उक्त नीति तथा कार्यक्रममाथि छलफल जारी छ।
राष्ट्रिय सभाको अर्को बैठक जेठ १४ गते आइतबार बिहान १० बजे बस्नेछ।