समृद्धि फाइनान्स पौने ८ करोड नोक्सानीमा, खराब कर्जा १४ प्रतिशत नजिक
१० माघ, काठमाडाैं । समृद्धि फाइनान्स कम्पनी लिमिटेडले चालू आर्थिक वर्षको दोस्रो त्रैमाससम्म ७ करोड ७३ लाख ७० हजार रुपैयाँ नोक्सानी ब्यहोरेको छ । निष्क्रिय कर्जा बढेको इम्पेरिमेन्ट चार्जले फाइनान्सको नोक्सानी उच्च रुपमा चुलिएको हो ।
गत आवको दोस्रो त्रैमाससम्ममा फाइनान्सको खुद नाफा ६० लाख २२ हजार थियो । कम्पनीको वितरणयोग्य नाफा ३९ करोड ५० लाख रुपैयाँ ऋणात्मक छ ।
गत आवको दोस्रो त्रैमाससम्म ३.०७ प्रतिशत रहेको खराब कर्जा अनुपात बढेर १३.९२ प्रतिशत पुगेको छ । यसले इम्पेरिमेन्ट चार्ज ४७ लाखबाट ७ करोड ८९ लाखभन्दा बढी पुगेको हो ।
चुक्ता पुँजी ८१ करोड ८९ लाख ११ हजार रुपैयाँ रहेको कम्पनीको जगेडा कोषमा १७ करोड १७ लाख र सेयर प्रिमियममा १ करोड ९७ लाख रुपैयाँ सञ्चित छ । कम्पनीको सेयरधनी कोष ३९ करोड ५० लाख रुपैयाँ नोक्सानीमा रहेको छ ।
समीक्षा अवधिमा कम्पनीको प्रतिसेयर आम्दानी ९ रुपैयाँ ४५ पैसा ऋणात्मक छ ।