भाईमसलाको मूल्य अत्यधिक बढ्यो, तिहारका लागि मात्र साढे दुई अर्ब रुपैयाँको भाईमसला आयात
०५कार्तिक, काठमाडाैं । तिहार शुरु भएसँगै काठमाडौंको मुख्य व्यापारीक केन्द्र असन, भोटाहिटी, इन्द्रचोक,न्यूरोड, महाबौद्ध लगायतका स्थानहरुमा ग्राहकहरुको भीड बिहानैदेखि देख्न सकिन्छ ।
मिठाई, भाइमसला, फूलका माला, लत्ताकपडाहरूको किनमेल अरु बेला भन्दा बढेको छ । तिहारमा अन्य सामाग्रसंगै भाईमसलाको खपत बढी हुन्छ । भाईटिकामा भाईमसला अनिवार्य मानिन्छ ।
ग्राहकहरु आफ्नो रोजाई र क्षमता अनुसार भाईमसला खरिद गरिरहेका छन् । भाईमसलामा पेस्ता,काजु,किसमिस,अंजीर,ओखर,नरिवल,छोकडा,सुकुमेल,ल्वांग,खुर्पानी,सुपारी,दालचिनी,किसमिस,चकलेट,बदाम लगायतका वस्तु मिसाएर प्याकिङ गरिएको हुन्छ ।
यसवर्ष भाइमसलाको प्याकेटमा गत वर्षको तुलनामा प्रति प्याकेट ५० देखि १ सय रुपैयाँसम्म मुल्य बढेको छ ।