Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

घरजग्गा व्यवसायमा १,२३२ जनालाई प्रत्यक्ष रोजगारी

0 45

१२ असोज, काठमाडौं । नेपालको घरजग्गा व्यवसायमा १ हजार २३२ जनाले प्रत्यक्ष रोजगारी पाएको पाइएको छ । केन्द्रीय तथ्यांक विभागले घर जग्गा व्यवसाय गणना २०१९ को नतिजा सार्वजनिक गरेको छ । जस अनुसार रियल इस्टेट व्यवसायमा उक्त संख्यामा रोजगारी सिर्जना भएको हो ।

रियल इस्टेट गणना अनुसार देशभर २४१ प्रतिष्ठान यो व्यवसायमा संलग्न रहेको देखिएको छ । जसमध्ये सबैभन्दा धेरै बागमती प्रदेशमा १११ वटा प्रतिष्ठान सक्रिय छन् । दोस्रो नम्बरमा रहेको गण्डकी प्रदेशमा ४२ वटा प्रतिष्ठान सक्रिय छन् भने तेस्रो नम्बरमा रहेको मधेश प्रदेशमा २९ वटा प्रतिष्ठान सक्रिय छन् । यस्तै प्रदेश नम्बर १ मा २५, लुम्बिनीमा २४, कर्णालीमा २ र सुदूरपश्चिममा ८ वटा प्रतिष्ठान रियल इस्टेट विजनेशमा रहेको पाइएको छ ।

रोजगारीमा समेत बागमतीको हिस्सा अधिक देखिएको छ । बागमतीले ८१३, गण्डकीले १३०, मधेश प्रदेशले १११, लुम्बिनी प्रदेशले ७३, प्रदेश नमब्र १ ले ४९, सुदूरपश्चिममले ४८ र कर्णाली प्रदेशले ८ जनालाई रोजगारी दिएको तथ्यांकमा देखाइएको छ ।

Subscribe to our newsletter

यस अनुसार बागमती प्रदेशमा रियल इस्टेट विजनेश र रोजगारी बढी केन्द्रित भएको गणनाको तथ्यांकले देखाएको छ । यो गणनामा सरकारी निकायबाट सञ्चालित आवास विकास कम्पनीको तथ्यांक समेत समेटिएको छ ।

गणनामा आर्थिक वर्ष २०७५/७६ सम्म कारोबार गरेका तथा कम्पनी रजिष्ट्रारको कार्यालय वा अन्य सरकारी निकायमा दर्ता भई घर जग्गा खरीद बिक्री वा भाडामा लिनेदिने व्यवसायमा संलग्न कम्पनीलाई समावेश गरिएको छ । गणनामा सरकारी निकायमा दर्ता नभई कारोबार गरिरहेका कम्पनी भने नपरेको विभागले जनाएको छ ।



मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.