सिसडोल पुगे मेयर शाह र उपमेयर डंगोल
२० जेठ, काठमाडाैँ । काठमाडौं महानगरपालिकाका नवनिर्वाचित मेयर बालेन्द्र शाह ‘बालेन’ काठमाडौं उपत्यकाको फोहर व्यवस्थापन हुने स्थान सिसडोल पुगेका छन्।
मेयरमा निर्वाचित भएपछि उनी दोस्रो पटक सिसडोल पुगेका हुन्। लामो समयदेखि काठमाडौं उपत्यकाको फोहोर व्यवस्थापनमा समस्या भइरहेपछि मेयर शाह र उपमेयर सुनिता डंगोल शुक्रबार बिहान सिसडोल पुगेका हुन्।
फोहोर व्यवस्थापनका विषयमा शाहले बिहीबार साँझ मात्र सहरी विकास मन्त्री रामकुमारी झाक्रीसँग परामर्श गरेका थिए। उनले मेयरको शपथ लिएपछि फोहर व्यवस्थापन नगरि खादा, माला नलगाउने बताएका थिए।