सुनचाँदी दुबैको मूल्य सोमबार स्थीर, तोलाको ९८ हजारमा खरीद बिक्री हुँदै
०९ जेठ, काठमाडाैँ । पहेँलो धातु सुनको मूल्य नेपाली बजारमा सोमबार स्थीर बनेको छ । आइतबार तोलामा ७०० रुपैयाँले बढेको सुनको भाउ सोमबार स्थीर बनेको हो ।
नेपाल सुनचाँदी व्यवसायी महासंघका अनुसार आजका लागि छापावाला सुनको भाउ प्रतितोला ९८ हजार रुपैयाँ र तेजावी सुनको भाउ ९७ हजार ५०० रुपैयाँ तोकिएको छ ।
यस्तै चाँदीको भाउ पनि आज स्थीर रहेको छ । आज सोमबार चाँदी तोलाको १ हजार २७० रुपैयाँमा कारोबार भैरहेको छ । आइतबार पनि चाँदीको भाउ यथावत रहेर आजकै भाउमा खरीद बिक्री भएको थियो ।
नेपाली बजारमा आइतबार छापावाल सुन प्रतितोला ९८ हजार रुपैयाँ, तेजावी सुन ९७ हजार ५०० रुपैयाँ र चाँदी तोलाको १ हजार २७० रुपैयाँमा कारोबार भएको थियो ।
नेपाल सुनचाँदी रत्न तथा आभुषण महासंघ र नेपाल सुनचाँदी व्यवसायी महासंघले अन्तर्राष्ट्रिय बजारमा हुने सुनचाँदीको मूल्यको उतारचढावको आधारमा नेपालमा दैनिक सुन तथा चाँदीको कारोबार मूल्य तोक्दै आएका छन् ।
आज अन्तर्राष्ट्रिय बजारमा सुन प्रतिऔंस १ हजार ८५५ र चाँदी प्रतिऔंस २१.९१ डलरको हाराहारीमा कारोबार भइरहेको छ ।