१६ चैत, काठमाडाैँ । मौसममा देखिएको खराबीका कारण भिजिबिलिटी कम हुँदा त्रिभुवन अन्तर्राष्ट्रिय विमानस्थलबाट हुने उडान र अवतरण प्रभावित भएका छन्। भिजिबिलिटी कम हुँदा आन्तरिक र अन्तर्राष्ट्रिय उडान प्रभावित भएका छन्।
न्यूनतम २८ सय मिटरको भिजिबिलिटीमा उडान र अवतरण सहज मानिन्छ। आज बिहान विमानस्थलको भिजिबिलिटी दुई हजार मिटरमात्र रहेको बताइएको छ। यसअघि मंगलबार पनि बिहनको उडान र अवतरण प्रभावित बनेको थियो।
आज बिहानैदेखि काठमाण्डौको मौसम धुम्म छ। मौसममा सुधार हुने बित्तिकै उडान र अवतरण नियमित हुने विमानस्थल कार्यालयले जनाएको छ।