प्राङ्कस्टर आकाश सेडाई पक्राउ
०४ फागुन, काठमाडाैँ । नेपाल प्रहरीको साइबर ब्यूरोले सार्वजनिक स्थलहरूमा मजाक, ख्यालठट्टा तथा प्राङ्क गरेर सर्वसाधारण व्यक्तिहरुलाई शारीरिक तथा मानसिक रुपमा सास्ती दिएको आरोपमा आकाश सेडाईलाई पक्राउ गरेको छ ।
युट्युबमा च्यानल खोलेर गोप्य रुपमा प्राङ्क गरेको भिडियो खिचेर अपलोड गरेको भन्दै साइबर अपराध ब्यूरोले जिल्ला अदालत काठमाडौंबाट पक्राउ अनुमति लिइ सेडाईलाई पक्राउ गरेर सात दिनको म्याद थप समेत गरेको छ ।
प्र्यांकको नाममा सर्वसाधारणलाई दुःख नदिन र त्यस्तो कार्य गरे कारबाही गर्ने चेतावनी दिँदै गृह मन्त्रालयले केही समयअघि पत्र पनि सार्वजनिक गरेको थियो ।
सेडाईलाई विद्युतीय कारोबार ऐन, २०६३ अन्तर्गत कसुर गरेको आरोपमा अनुसन्धान गर्न पक्राउ गरी म्याद थप गरिएको ब्यूरोका प्रवक्ता नविन्द अर्यालले जनाएका छन्।