Advertisement
१४ माघ, काठमाडाैँ । सुनको मूल्य नेपाली बजारमा शुक्रबार तोलामा ९०० रुपैयाँले घट्दा चाँदीको भाउ पनि तोलामा २५ रुपैयाँले सस्तिएको छ ।
नेपाल सुनचाँदी व्यवसायी महासंघका अनुसार शुक्रबार छापावाला सुनको मूल्य तोलाको ९२ हजार ६०० रुपैयाँ तोकिएको छ ।
यस्तै तेजावी सुनको मूल्य पनि ९०० रुपैयाँले घटेर ९२ हजार १०० रुपैयाँमा झर्न पुगेको छ । यस्तै चाँदीको मूल्य प्रतितोला १ हजार २६५ रुपैयाँ कायम गरिएको महासंघले जनाएको छ ।
महासंघका अनुसार बिहीबार छापावाला सुनको मूल्य तोलाको ९३ हजार ५०० रुपैयाँ, तेजावी सुनको मूल्य ९३ हजार रुपैयाँ र चाँदीको मूल्य प्रतितोला १ हजार २९० रुपैयाँ निर्धारण गरिएको थियो । बिहीबार पनि सुनको भाउ ९०० रुपैयाँले घट्दा चाँदी १० रुपैयाँले घटेर कारोबार भएको थियो ।
महासङ्घले अन्तर्राष्ट्रिय बजारमा हुने सुन चाँदीको मूल्यको उतार चढावका आधारमा नेपालमा दैनिक सुन तथा चाँदीको कारोबार मूल्य तोक्दै आएको छ ।
अन्तर्राष्ट्रिय बजारमा आज सुन प्रतिऔँस १ हजार ७९९९ डलर आसपासमा कारोबार भइरहेको छ । यस्तै चाँदी प्रतिऔँस २२.८० डलर आसपासमा कारोबार भइरहेको छ ।
अन्तर्राष्ट्रिय बजारमा सुनका भाउ ओरालो लागेसँगै पछिल्लो २ दिनमा १ हजार ८०० ले सुनको भाउ घटिसकेको छ । साताको सुरुमा भाउ बढेकाले साताभरमा भने सुनको भाउ १ हजार २०० रुपैयाँले मात्र घटेको हो । अघिल्लो शुक्रबार सुन तोलाको ९३३ हजार ८०० रुपैयाँमा कारोबार भएको थियो ।
Comments
