माननीय राष्ट्रपति बिध्या भण्डारी ज्यु,यो घोटालाका नायकहरु तपाइको आफ्नै जिल्लाका मान्छेको रहेछन
Advertisement
बिबिका खरेल
१८ जेठ, काठमाडौं । पत्र पत्रिकाबाट बेला बेलामा मर्चेन्ट क्यापिटल बैंक घोटाला भन्ने सुन्थे तर बुझ्न सकेको थिइन l तर मैले नबुझेको त तपाइले बुझेर पो रहेछ भन्ने थाहा पाए l म पनि भर्खर मिडियामा काम गर्न थालेकी भएर होला कहाँ कहाको इमेलले थाहा दियो, भलै संधै मिडियालाई सम्मान गरेको इमेल भने नाउने रहेछ l अनि उता सामाजिक संजालमा त्यो घोटाला सम्बन्धि गफ चलि राखेको हुनाले झन चासो लाग्यो l किनकी सरकार तपाइकै आफ्नै मान्छेको भएर र सरकार आफैले सिर्जना गरेको माफिया र भ्रष्टबाट भएको सुनियोजित घोटाला भएर तपाइले चासो नदिनु भएको होला l हाम्रै मेडियाले पनि उनीहरुप्रति न्याय गरेको रहेनछ l म क्षमा चाहन्छु l
मैले अहिले बुझेको निर्दोष महिला, बिधार्थी र साधारण लेखपढ गर्ने गाउलेलाई नक्कली ऋणी बनाएर मर्चेन्ट बैंक बाट अरबौ रुपैया ऋण निकालेर नेपाल राष्ट्र बैंक, सिआइबि प्रहरी, वकिल, न्यायाधिश मिलेर खाएका रहेछन तर फसाउने बेलामा ति निर्दोषलाई पारेछन l उनीहरुको नामबाट भूमाफिया र बैंक माफियाले ऋणको नक्कली हस्ताक्षर गरेर निबेदन राखिएको रहेछ तर उनीहरुलाई थाहै नदिई उनीहरुको नाममा कम्पनि पनि खोलि ऋण निकालिएको रहेछ l उनीहरुले आफै ऋण निकाल्न बैंक मै नटेकेको र ऋण झिक्दै नझिकेको देखियो l ऋण नै लिएको भएपनि धितो बेचेर ऋण तिरेर उम्कने नियम हुँदा हुँदै उनीहरुलाई त केसको अनुसन्धान नै नगरी नेपाल राष्ट्र बैंकले सिआइबि लगाएर उनिहरुको बिरुद्द सिधै मुद्दा चलाएछ र पाटन उच्च अदालतमा सेटिंग मिलाएर ति सबैलाई कैद गरेछ l
१० बर्ष देखि कतिपय ति निर्दोष (साना बच्चा भएको महिला लगाएत) लाई कैद गरेको छ र केहीको त औषधि उपचार नपाएर ज्यान गुमाई सकेका रहेछन l ति निर्दोष महिलाहरुलाई त प्रहरीले थाहै नदिई उनीहरुको घर भित्र छिरेर जुत्तै पनि लगाउने मौका नदिई ५ सय मिटर जति घिसारेर घाउ लगाउदै अदालत लागेको रहेछ l अनि किन सिआइबिले अनुसन्धान गर्दै नगरी मुद्दा चलाएछ भन्ने कुरा चाही नेपाल राष्ट्र बैंकलाई बचाउन र ति निर्दोष नै हुन् भन्ने थाहा भएकोले बढो षडयन्त्र मुलक तरिकाले कुरो लुकाएर फरार अभियुक्त बनाइएको रहेछ जुन कुरा ति निर्दोष लाई थाहै रहेनछ l उनीहरुले ऋण लिएको भए पो उनीहरु डराउनु र ऋण नलिएको हुनाले उनीहरुले ऋणबारे चासो राखेकै रहेनछन l
राष्ट्रपति महोदय, यो घोटालाका नायकहरु तपाइको आफ्नै मान्छेको जिल्लाका रहेछन l जो सर्बोच्च अदालत जस्तालाई त किन्न सक्ने क्षमता भएका रहेछन र किनेर राखेका रहेछन l तपाइको आफ्नै मान्छेको सरकारका हाकिमको जिल्लाका अनि तपाई पनि उनीहरुको नजिकको व्यक्ति, यो भएपछी जे गरे पनि भैहाल्यो नि l अब जति अत्याचार गर, तपाईहरुकै छ राज्य l
तपाई सक्रिय हुँदा म जस्तो महिला लाई खुसि लाग्छ l संबिधानले अधिकार नै नदिए पनि तपाइले अहिले विदेशको राष्ट्रपतिलाई भनेर खोप झिकाउदै हुनुहुन्छ l तपाइको आफ्नै मान्छेको सरकार लाई सहयोग गर्नु लागेको होला, दया माया लागेर l अर्को मान्छे सरकारको हाकिम भएको भए तपाइँलाई यो सक्रिय हुने अवसर मिल्ने थिएन l यसमा तपाई र तपाइको मान्छे दुवै चलाख हुनुहुदो रहेछ, तर पनि हाम्रो लागि अप्ठ्यारो महसुश भएको छ l तपाइको मान्छे बिदेशी जासुसलाई मध्यरातमा बिशेष बिमानबाट रातो कार्पेट बिछ्याएर बालुवाटार छिराएर घन्टौ गोप्य कुरा गर्ने सक्ने साहस भएको मान्छेलाई संरक्षण गर्ने तपाई कति सक्रिय हि ? उसको बिधिशास्त्रले प्रभावित भएर सर्बोच्च अदालतमा समेत बिगतमा त्यो शास्त्र लागु भए र अझै हुदैछन l सम्मानित अदालत ? यस्तो नि सम्मानित अदालत ?
सामन्त गोयलको गमले तपाइको मान्छेको पार्टी र मधेश तराइको भारतको हितमा काम गर्ने नेताहरु लाई टाँसीदिएपछि तपाइले महिना जति अगाडी सयौ मधेशका अपराधीलाईलाई आम माफी दिनु भयो l र फेरी केहि दिन अगाडी गणतन्त्र दिवस मानेर अरु सयौ अपराधीलाई माफी दिनु भयो l तर त्यो मर्चेन्ट क्यापिटल बैंक घोटालाका पिडित हरुलाई कैद मुक्त गर्नु भएन l म जस्ताले बुझेको चाही ति पिडितहरुलाई सामन्त गोयलले सिफारिश गरेका थिएनन् नकि उनीहरुको तपाहरु समक्ष पुग्ने पहुच थियो र नकि न्यायालयलाई घुस खुवाउने हैसियेत नै तिनको रहेछ l मैले पनि अरु जस्तै बिचौलिया र किर्ते गर्ने वकिललाई सुरक्षा दिने बार काउन्सिल र नामुद घुसिया लाई सुरक्षा दिने न्याय परिषद नि तपाइको सरक्षण मा छन् भन्ने अड्कल गर्ने गरेकी छु l
सामन्त गोयलले सिफारिश गरेको भए त अध्यादेश आइहाल्थ्यो र तिनीहरु कैद मुक्त भै हाल्थे l तपाइले सम्भब नै नहुने कुरालाई त गोयललेको आदेशले अध्यादेश जारी गरेर बिदेशी बुहारीलाई बिहे भएको दिन नेपाली नागरिक बन्ने अवसर दिनु भएको छ, हैन र ?
त्यहि सामन्त गोयलको तापले तपाईलाई ठुलो उर्जा मिलेको छ र तारम्तार संसद बिघटन गर्न सक्नु हुन्छ l तपाईहरुको उर्जा र गोयलको गमले संबैधानिक इजलास नि गोयल इजलास बनेको थियो र अहिले त्यहि क्रममा छ l दुइजना नामुद नामुद न्यायाधिश थेचरो बनेर भित्र भित्र गोयललाई सहयोग गर्दै हुनुहुन्छ l गोयलले भने पछि त नमागेको कुरा पनि दिने नामुद न्यायमूर्ति छन् हाम्रो नेपालमा l लाज सरम धर्म, नैतिकता तपाई र तपाइको मान्छेमा नभएपछि ति नामुद नामुद न्यायमुर्तिमा झल्किने कुरा भएन l
सारा दुनिया सुतेको बेलामा मध्यारातमा तपाई र तपाइको मान्छे लाजै मर्नुको षड्यन्त्रमा लाग्ने र जगत हसाउने कर्तुत, किर्ते, र तिकडम गर्ने सक्ने तागतलाई चाही मान्नै पर्छ l मेरो दिदीको पालाको अखिलेका ले गाउने ‘फाटेको जालोले छोपेको छोपे पनि छर्लङ्गै देखेको’ भन्ने गितको याद आयो lअनि त्यो छलछाम र नाटकलाई सदर गर्ने इजलास चाहिएको छ र न्यायालयका दुई हाजिर छन् त्यत्रो प्रश्न तेर्सिदा पनि थेचरो बनेर इजलास नछोड्ने भएका देखिन्छन l जबकि देशमा के भै राखेको छ भनेर सारा दुनियालाई सबै कुरा थाहा छ l
तपाइका आफ्नै मान्छेले नेपाल प्रहरीमा षडयन्त्र गरेर एआइजि राखेर सिनिएर र राम्रा अफिसरलाई रोकेर हुर्मत लिए पछि नेपाली सेनालाई आफ्नो नयमित ढंगले ठेक्का दिएर बेक्कुप बनाएको पनि जनताले हेरी राखेका छन् l अरु जस्तै म पनि नेपाल प्रहरीलाई सलुट गर्न चाहन्छु, किनकी उहाहरु (अहिलेका अफिसर्स र जवानहरु) असल हुनुहुन्छ l
अहिले तपाइको आफ्नै मान्छेले भुतपुर्ब प्रधान न्यायाधिशहरुलाई हुर्मत लिंदै हुनुहुन्छ l आफु नेपाल प्रहरी देखि सेना राज्यलाई दोहन र दुरुपयोग गरेर र भ्रष्टाचार गरेर सत्तामा गोयलको गमले टाँसिएर बसेका छन्, जुन तपाइहरुको चिन्ता पनि दुनियालाई थाहा छ , आफुले संरक्ष्ण गरेका भ्रष्टचारीहरुलाई अरुले छोला भन्ने डर छ l मर्चेन्ट क्यापिटलको भ्रष्टाचारी देखि अरु नाम चलेका कम्पनिहरुको कर्तुत l हामीले देख्दा त तपाई र तपाइको आफ्नो मान्छे जिम्बेवार भएको भए र नैतिकतामा ख्याल गर्ने, इज्जत जोगाउने, भ्रष्टाचार बिरोधि, र देशमा सुशासनमा कतिबद्द भएको भए त्यो मर्चेन्ट क्यापिटलको घोटालालाई उच्च स्तरिय आयोगबाट छानबिन गराउनु पर्ने थियो र पिडित लाई क्षतिपूर्ति र दोषीलाई सजाय दिनु पर्थ्यो l
राष्ट्रपति महोदय, अरु पछि
मल्टिमिडिया ग्यालरी
Comments
