Advertisement
याेगेन्द्र खरेल
२८ बैशाख, लिस्वाेन (पाेर्चुगल)।
आदरणीय माता श्री
सास्टाङ्ग दण्डवत
आराम छु, आराम चाहान्छु ।
आदरणीय माता श्री हजुरकाे आशिर्वाद र भगवान संग गरिरहनुभएकाे नियमित प्रार्थनाले आज २०२१ मार्च ११ काे स्थानिय समय अनुसार बिहानकाे ८:३७ बजे सम्म कुशल मंगल छु र हजुर पनि कुशल मंगल हुनुहाेला भन्ने कामना गरेकाे छु । म सानै हुदा हजुरले भनेकाे कुुरा मेराे मानसपटलमा अहिले पनि घुमिरहेकाे छ ।
जब मेराे एकजना दिदी र एकजना दाजुकाे जन्म पछि बाबाले बच्चा नजन्माउने भन्दै गर्दा, हजुरकाे आग्रहमा थप दुई सन्तान जन्माएर १ छाेरी र ३ छाेराकाे माता बन्नु भएकाे रहेछ । हजुरकाे यँही निर्णय कै कारण आज म हजुरकाे कान्छाे सन्तानकाे रुपमा याे संसार नियाल्ने अबसर पाएकाे छु । त्याे बेला हजुरले साेच्नु भएकाे थियाे हाेला ४ सन्तान भएपछि बृध्द अवस्थामा कमसेकम एउटा सन्तानले त साथ देला । तर हजुरले जुन सपना देखेर विभिन्न अभावहरुका बिच ४ जना सन्तान जन्माउने, हुर्काउने, पढाउने र बढाउने गर्नुभयाे त्याे सपना आजकाे दिनसम्म साकार हुन सकेकाे छैन । मलाई माफ गर्नुस है माता ।
आदरणीय माताश्री, हजुर सुगर, ब्लडप्रेसर, मुटुकाे भल्भलगाएतका करिब आधादर्जन राेगहरुकाे शिकार हुनुभएकाे छ । सबै राेगहरुका आैषधिहरु नियमित सेवन गरिरहनुपर्छ । करिब एक बर्ष पहिलेकाे भेटमा हजुरले भन्नु भएकाे थियाे नि कान्छा “काहीँ त भुलवस कुनै आैषधि दुईपटक खान्छु त कुनै आैषधि खानै बिर्सन्छु “। हजुरले हामिलाई हुर्काउदै गर्दा हाम्रा दिशापिसाब साेहाेर्दै गर्दा पक्कै पनि, आफू बृध्द हुदा यिनै सन्तानले साहरा दिनेछन भन्ने सपना पक्कै देख्नुभएकाे थियाे हाेला , बिरामी पर्दा ताताे पानी संगै आमा हजुरलाई कस्ताे छ ? भनेर साेध्न काेठासम्म आइपुग्लान । न आत्तिनु है आमा बिस्तारै ठिक हुन्छ भन्दै निधारमा सुमसुम्याउदै ढाडस देलान भन्ने पक्कै सपना देख्नु भएकाे थियाे हाेला है ?
तर ४ सन्तान कि आमा हजुर उमेरले ७० काटिसक्दा धेरै जसाे राेगहरुले हजुरकाे शरिरमा डेरा जमाइसक्दा एक्लै हुनुहुन्छ । हजुरकाे सधैकाे बिरामि देखेर बाबा पनि हजुर संग झर्किनुहुन्छ हाेला है । ४ सन्तान कि आमा , हजुरलाई साहरा चाहिएकाे बेला एक सन्तान पनि साथमा नहुदा पक्कै पनि हिनताबाेध हुन्छ हाेला । पक्कै पनि आफुले आफुलाइ अभागी ठान्नुहुन्छ हाेला ।
हजुरकाे बैंक एकाउन्टमा पैसा छ हाेला , फ्रिज भरि फलफुलहरुले भरिएकाे छ हाेला । माछामासु दुधदहि पनि पक्कै घरमा आउँछ हाेला । तर हजुरलाई एक्कासि सुगर कम भएर हातखुट्टा काँपिरहेकाे बेला फ्रिजमा भएकाे फलफुल काटेर दिने काेहि छैनन भने ती फ्रिज भरि भएका फलफुलकाे के अर्थ । बैंकमा भएकाे पैसा निकाल्न जादा २/३ पटक चेकमा हस्ताक्षर नमिल्दा बैंक कर्मचारीले झर्काे मानेर गालि गरेपछि त्याे एकाउन्टमा भएकाे पैसाकाे के अर्थ । मलाई थाहा छ आज हजुर संग धेरै कुरा हुँदै गर्दा केही पनि नभएकाे अनुभुती भइरहेकाे छ हाेला । किनकि जसलाई बुढेसकालकाे साहरा मान्नुभएकाे थियाे त्याे हजुरको साथमा छैन ।
आज मातातिर्थ आैषि रहेछ यानिकि आमाकाे मुख हेर्ने दिन । आफ्नि आमाकाे बृध्दभत्ता समेत बुझेर आमालाई नदिने पल्लाघरे दाजुभाउजुले हेप्पि मदर्स डे भन्दै आमाकाे फाेटाे फेसबुकमा राखेकाे देखे । आफ्नि आमा बिरामी परेर थलिएर आेछ्यान मै दिशापिसाब हुदा काेठाकाे ढाेका बाटै खाना फालिदिने पल्लाघरे काकाले पनि हेप्पि मदर्स डे भन्दै फेसबुकमा फाेटाे राखेकाे देखे । अंशबण्डा काण्डमा आमालाई अदालसम्म पुर्याएकाे बिर्खेले पनि हेप्पि मदर्स डे भन्दै फाेटाे राखेकाे रहेछ । तर म चाहिँ आज हजुरकाे फाेटाे हेप्पि मदर्स डे भन्दै फेसबुकमा राख्ने हिम्मत गर्न सकिन । जुन आमालाई म खुसि राख्न सकेकाे छैन, त्यहि आमाकाे फाेटाे फेसबुकमा राखेर कसलाई देखाउ म ।
मलाई माफ गर्नुस है आमा, आज हजुरकाे फाेटाे फेसबुकमा राख्ने हिम्मत गरिन
आज पक्कै पनि फेसबुक काे काे ले आमाकाे फाेटाे फेसवुकमा राखे भनेर हेर्दै हुनुहुन्छ हाेला । लाै याे कान्छा ले किन अझै मेराे फाेटाे राखेन भनेर साेच्दै हुनुहुन्छ हाेला , बिरामि भएर पाे हाे कि व्यस्त भएर पाे हाे कि आदि ईत्यादि साेच्दै भगवान् संग मेराे लागि प्रार्थना गरिहरनुभएकाे छ हाेला । तर जुन सन्तानले बृध्दभएका बाबाआमाकाे सेवा गर्न सकिन त्यहि सन्तालले हजुरकाे फाेटाे फेसबुकमा राख्ने हिम्मत पनि गरिन मलाई माफ गर्नुस है आमा ।
म प्रदेशमा बिरामि हुदा हजुरले खै कसरी कसरी थाहा पाइहाल्नु हुन्छ । तेराे बाेलि अर्के भा छ है बिरामि भाछस र भन्नुहुन्छ । कहिलेकाही दाह्री नफाल्दा किन के पिर पर्याे र दाह्री पनि फालेकाे छैनस नि । मेरा प्रत्येक अबस्थामा हजुरले, यति धेरै चासाे र चिन्ता ब्यक्त गर्नुुहुन्छ । कहिलेेकाहि निद्रा मै भएकाे बेला फाेन गर्नुहुन्छ र भन्नुहुन्छ कान्छा त ठिकै छस नि , आज राति सपना नराम्रो देखेर फाेन गरेकाे , ल ल सुत सुतिरा हाेलास भन्दै फाेन काट्नुहुन्छ । सातसमुन्द्र पारि रहेकाे याे सन्तानलाई खाेकि लाग्दा हजुरकाे घाँटी दुख्छ , यहाँ मलाई केही साह्रो गाह्राे पर्याे कि त्यहा हजुरले नराम्रो सपना देख्नुहुन्छ । त्यसैले आमा हजुर मेराे लागि भगवान भन्दा पनि माथि हुनुहुन्छ । छाेराे रहर भन्दा पनि बाध्यताबस बिदेश पसेकाे छ भन्नू बुझ्नुभएकाे छ र त आफ्नाे लागि भन्दा मेराे लागि भगवान संग निरन्तर प्रार्थना गरिरहनुभएकाे छ ।
सबै दुखपिडा दबाएर , भिडियो कलमा हासेरै बाेलिदिनुहुन्छ । सधैं भिडियाे कल गर्ने हजुर जुन बेला राेगले अल्लि बढि च्याप्छ त्याे बेला अडियाे कल मात्र गर्नुहुन्छ । सायद आफ्नाे पीडा देखेर सन्तान दुखि नहुन भन्ने हजुरकाे चाहाना हाेला । हजुरकाे बाेलिचालि बाटै हजुरलाइ राेगले बढ्ता च्यापेकाे हेा कि भन्ने म पनि अनुमान लगाउछु । आफुले आफुलाई अभागि महसुस गर्छु । याे प्रदेश पस्नु मेराे रहर या बाध्यता ? भन्ने बारे आफुले आफुलाई प्रश्न साेध्छु । तर जवाफ पाउदिन । मलाई माफ गर्नुस है आमा मलाई माफ गर्नुस ।
जय देश जय नेपाल
मल्टिमिडिया ग्यालरी
Comments
