Advertisement
१२ जेठ, काठमाडौं । बागमती प्रदेशको श्रम रोजगार तथा यातायात मन्त्रालयले काठमाडौं उपत्यकासहित बागमती प्रदेशमा चल्ने सार्वजनिक सवारीको भाडा घटाएको छ।
काठमाडौं उपत्यकामा सञ्चालन हुने यात्रुवाहक सार्वजनिक सवारी साधनको हकमा १ देखि २ रुपैयाँको दरले भाडादर घटाइएको छ। गत बिहीबारदेखि लागू गरिएको नयाँ भाडादरमा ५ किलोमिटरसम्मको दुरीका लागि १९ रुपैयाँ छ।
२० किलोमिटरभन्दा बढीको दुरीमा चल्ने सवारीको भाडा ३८ रुपैयाँसम्म कायम गरिएको छ।
त्यसैगरी उपत्यका बाहेकका स्थानमा सञ्चालन हुने यात्रुबाहक सवारी साधनमा ४ दशमलब १८ प्रतिशतले भाडा घटाएको छ।
मालबाहक सवारी साधनको हकमा भने हाल कामय भइरहेको भाडादरमा ५ दशमलब ३९ दशमलवका दरले घटाइएको छ।
Comments
