Advertisement
०५ फागुन, बाजुरा । नेपाल प्रहरी र नेपाली सेनामा भर्ना हुन चाहने युवाका लागि बडिमालिका नगरपालिकाले आधारभूत तालिम दिने भएको छ।
जिल्लामा रहेका सेना र प्रहरी कार्यालयसँग समन्वय गरेर तयारी कक्षा सञ्चालन गर्न लागिएको नगर प्रमुख अमर खड्काले जानकारी दिए।
‘युवाहरुको रुचि भएको क्षेत्रमा अघि बढ्न पालिकाले सघाउने नीति अन्तर्गत प्रहरी र सेनामा भर्ना हुन तयारी कक्षा सञ्चालन गर्दैछौं। त्यसका लागि ईच्छुकलाई आवेदन दिन भनेका छौं,’ उनले भने।
नगरपालिकाले विस्तारै लोक सेवाको तयारीका लागि र अन्य प्राविधिक शिक्षाका लागिसमेत तयारी कक्षा सञ्चालन गर्दै जाने उनको भनाइ छ।
अहिले प्रहरी र सेनामा भर्ना हुन चाहने पालिकाभित्रका युवाबाट दरखास्त मागिएको छ। उनीहरुमध्ये न्यूनतम मापदण्ड पूरा गर्नेहरु तालिमका लागि छनोट हुनेछन्।
Comments
