असोज मसान्तसम्म एक खर्ब ५ अर्ब सहुलियत कर्जा लगानी, २ खर्ब १० अर्ब बक्यौता
Advertisement
०१ मंसिर, काठमाडौँ । नेपाल राष्ट्र बैङ्कको तथ्याङ्कअनुसार असोज मसान्तसम्म एक खर्ब ५ अर्ब रुपैयाँ सहुलियत दरको पुनर्कर्जा लगानी गरेको छ । केन्द्रिय बैङ्कद्वारा बुधबार प्रकाशित तथ्याङ्कअनुसार बैङ्क तथा वित्तीय संस्थाले असोज मसान्तसम्म एक खर्ब रुपैयाँ बढी पुनर्कर्जा लगानी गरेको हो ।
त्यस्तै, असोज मसान्तसम्ममा १ लाख ४७ हजार ६४२ ऋणीलाई सहुलियतपूर्ण कर्जा प्रवाह भएकोमा २ खर्ब १० अर्ब ४७ करोड रुपैयाँ कर्जा बक्यौता रहेको राष्ट्र बैङ्कले जनाएको छ ।
यसमध्ये कृषि तथा पशुपंक्षी व्यवसाय कर्जा अन्तर्गत ६० हजार ६१ ऋणीलाई प्रवाह भएको १३८ अर्ब २१ करोड रुपैयाँ कर्जा बक्यौता रहेको छ भने महिला उद्यमशील कर्जाअन्तर्गत ८४ हजार ७ सय ५० महिला उद्यमीलाई प्रवाह भएको ६८ अर्ब ६९ करोड रुपैयाँ कर्जा बक्यौता रहेको छ ।
यसैगरी सहुलियतपूर्ण कर्जाका अन्य शीर्षक अन्तर्गत २ हजार ८ सय ३१ ऋणीको ३ अर्ब ५७ करोड रुपैयाँ कर्जा बक्यौता रहेको छ ।
‘व्यावसायिक निरन्तरता कर्जा प्रवाह कार्यविधि, २०७७’ बमोजिम कोभिड–१९ प्रभावित पर्यटन र घरेलु, साना तथा मझौला उद्यम क्षेत्रको व्यवसाय निरन्तरतामा सहयोग पुर्याउन ती क्षेत्रका श्रमिक तथा कर्मचारीको पारिश्रमिक भुक्तानीका लागि प्रवाह भएको कर्जा असोज मसान्तमा ९० करोड ३४ रुपैयाँ लाख बक्यौता रहेको छ ।
Comments
