Advertisement
२३ कात्तिक, धनकुटा । धनकुटाको छथरजोरपाटी गाउँपालिका-३ गैरीगाउँकाका ६२ वर्षीय भगीश्वर लिम्बुको हत्या भएको छ ।
४० वर्षीय तेजबहादुर लिम्बूले बुधबार बिहान भगीश्वरको धारिलो हतियार प्रयोग गरी हत्या गरेका हुन् ।
बिहान उठेर घरमा बसिरहेका बेला तेजबहादुरले पछाडिबाट धारिलो हतियारले आक्रमण गरेको प्रहरीले बताएको छ ।
आक्रमण पछि स्थानीयवासी भगीश्वरको उद्धारका लागि पुगेका थिए तर त्यसबेला उनको मृत्यु भइसकेको प्रहरीको भनाइ छ ।
प्रहरीले ओरोपित तेजबहादुरलाई नियन्त्रणमा लिएको छ । नाताले भगिश्वर तेजबहादुरको काका हुन् । प्रहरीका अनुसार तेजबहादुरको मानसिक सन्तुलन ठीक छैन ।
मृतक भगिश्वरको शव पोष्टमार्टमको लागि धनकुटा अस्पताल ल्याउने तयारी भइरहेको धनकुटाका प्रहरी प्रमुख एसपी लक्ष्मीराज अधिकारीले जानकारी दिए ।
Comments
