Advertisement
२७ चैत, एजेन्सी । रुसबाट गरिने सामानहरुको आयातमा युक्रेनले पूर्ण रुपमा प्रतिबन्ध लगाएको छ । युद्धले जटिल रुप लिँदै गरेपछि युक्रेनले सो निर्णय गरेको हो ।
रुसले वार्षिक रुपमा युक्रेनमा करिब ६ अर्ब डलर बराबरको कारोबार गर्ने गरेको छ ।
युक्रेनी अर्थमन्त्री युलिया स्वीरडेनकोले आफ्नो फेसबूक पेज मार्फत रुससँग आधिकारिक रुपमा व्यापार बन्द गरेको घोषणा गरेकी थिइन् । फेसबूकमा उनी लेख्छिन् , “अब आउने समयमा रुसका कुनै पनि सामाग्री युक्रेन भित्र आउन दिइने छैन । हाम्रो देशको दुश्मनले अब देखि आफ्नो बजेटमा युक्रेनी पैसा जोड्न सक्ने छैन । व्यापार प्रतिबन्ध गर्नाले रुसको युद्धका लागि आवश्यक पर्ने वित्त कम गर्न सघाउने छ । ”
फेबु्रअरी २४मा रुसले युक्रेनमाथि विशेष सैनिक अप्रेशन सञ्चालन गरेपछि रुस र युक्रेनबीच व्यापार शून्य जस्तै भएको थियो । युक्रेनी अर्थमन्त्री युलियाले आधिकारिक रुपमा नै व्यापार बन्द गर्ने बताएकी छिन् । यसका साथै उनले पश्चिमा देशहरुलाई रुस तथा रुसी बैंकमाथि कडा आर्थिक प्रतिबन्ध लगाउन अनुरोध पनि गरेकी छिन् ।
यसैबीच युक्रेनी प्रधानमन्त्री भोलोदिमिर जेलेन्सकीले पश्चिमा देशहरुलाई रुसी तेल आयातमा प्रतिबन्ध लगाउन भनेका छन् । पश्चिमा देशहरुले युद्ध नियन्त्रण गर्नको लागि रुसमाथि विभिन्न प्रतिबन्धहरु लगाइरहेका छन् । यसैबीच बेलायती प्रधानमन्त्री बोरिस जोनसोनले आगामी समयमा रुसमा थप प्रतिबन्ध लगाइने बताएका छन् ।
Comments
