Advertisement
०७ चैत, काठमाडाैँ । स्थानीय तह निर्वाचन तथा अन्य समसामयिक राजनीतिक विषयमा छलफल गर्न नेकपा एमालेको पोलिटब्युरो बैठक बस्दै छ।
बैठक आज (सोमबार) बिहान ११ बजे बबरमहलस्थित कार्की बैंक्वेटमा बस्ने प्रचार विभाग उपप्रमुख विष्णु रिजालले जानकारी दिए।
बैठकमा आसन्न स्थानीय चुनावको तयारीबारे छलफल हुने जनाइएको छ। आजको बैठकले स्थानीय तहका उम्मेद्वारको मापदण्डसमेत तयार पार्ने जनाइएको छ। बैठकमा समसामयिक राजनीतिक परिस्थितिबारे समेत छलफल हुने रिजालले बताए।
आजको बैठकले स्थायी कमिटी र केन्द्रीय कमिटी बैठकका लागि अजेन्डासमेत तय गर्नेछ। एमालेले चैत ९ र १० गते केन्द्रीय कमिटीको तथा १३ गते स्थायी कमिटीको बैठक बोलाएको छ। चुनावी अजेण्डा र उम्मेदवारको मापदण्डको टुंगो भने पार्टीको स्थायी कमिटी बैठक बसेपछि मात्रै लगाइने जनाइएको छ।
एमालेको पोलिटब्युरोमा १९ पदाधिकारी र २६ स्थायी कमिटी सदस्यसहित ९९ सदस्य छन्।
Comments
