Advertisement
०३ पुस, काठमाडौँ । लुम्बिनी प्रदेशले जारी पीएम कप टि २० राष्ट्रिय पुरुष क्रिकेट प्रतियोगितामा दोश्रो जित हासिल गरेको छ । किर्तिपुरस्थित टियु क्रिकेट मैदानमा आइतबार भएको समूह बी अन्तर्गतको खेलमा गण्डकी प्रदेशलाई ५ विकेटले पराजित लुम्बिनीले दोश्रो जित हासिल गरेको हो ।
जितका बावजूत पनि लुम्बिनी यसअघि नै प्रतियोगिताबाट बाहिरिसकेको छ । समूह बी बाट समूह चरणको चार वटै खेल जित्दै नेपाल एपीएफ क्लब समूह विजेता तथा चारमध्ये तीन खेल जित्दै बागमती प्रदेश समूह उपविजेताको रुपमा अन्तिम चारमा प्रवेश गरिसकेका छन् ।
यस्तै एक खेल जितेको प्रदेश २ तथा चारवटै खेलमा हार बेहोरेको गण्डकी पनि प्रतियोगिताबाट बाहिरिसकेका छन् । आजको खेलमा जितका लागि गण्डकीले दिएको १ सय ५ रनको लक्ष्य लुम्बिनीले १३ दशमलब १ ओभरमा ५ विकेट गुमाउँदै पुरा गर्यो ।
लुम्बिनीको जितमा देव खनालले ५६ रनको अर्धशतकिय इनिङ्स खेल्दा सुशान्त थापाले २६ रन जोडे । गण्डकीका सुवास भण्डारीले सर्वाधिक ३ विकेट हात पार्दा विशाल पौडेल र अशोक श्रेष्ठले १-१ विकेट लिए ।
यसअघि टस जितेर पहिले ब्याटिङ गरेको गण्डकीले १९ दशमबल १ ओभरमा सबै विकेट गुमाएर १ सय ४ रन जोडेको थियो । गण्डकीका लागि अनिल गुरुङले सर्वाधिक ५० अर्धशतकिय इनिङ्स खेल्दा विधान श्रेष्ठले १४ रन जोडे ।
लुम्बिनीका अनिल खरेल सर्वाधिक ४ विकेट लिदा दिपेन्द्र रावत र कृष्ण कार्कीले समान २-२ विकेट हात पारे । यस्तै दुर्गेश गुप्ता र तुल बहादुर थापाको नाममा १-१ विकेट रह्यो ।
Comments
