Advertisement
याेगेन्द्र खरेल
१२ साउन, लिस्वाेन पाेर्चुगल । प्रदेशमा रहेका नेपालीहरुकाे हकहितका लागि स्थापना गरिएको समग्र आप्रवासी नेपालीहरुकाे साझा संस्था हाे । आप्रवासी नेपाली संघ । तर गलत पात्र र उनिहरुकाे गलत आचरण तथा प्रबृत्तिकाे कारण NRNA निकै बिबादास्पद र अलाेकप्रिय बन्दै गईरहेकाे छ । यस संस्थाकाे नाम सुन्याे कि अधिकांश मानिसहरु ठग दलालहरुकाे अड्डा भन्ने बुझ्न थालिसकेका छन । विश्वका प्राय जसाे मुलुकमा रहेका NRNA निकै विवादित छन । प्रायःजसाे देशमा रहेका NRNA ले आर्थिक हिनामिनाकाे आराेप खेपिरहेका छन । भने स्वयंम NRNA पदाधिकारीहरुमा नै निरन्तर ठग दलाल प्रबृत्ति हावि भइरहेकाे भन्ने जबर्जस्त आराेप लाग्ने गरेकाे छ। यसरी रक्षकहरु नै भक्षक भएपछि कसरी NRNA प्रतिकाे विश्वसनियता बढ्दै जाला त ।
अहिले NRNA स्थापना भएका अधिकांश देशहरुमा चुनावी माहाेल तातिरहेको छ । केही ठाउमा चुनावी मैदान युध्द मैदानमा परिणत भइरहेकाे छ । मतदाताकाे अभिमत स्विकार्न नसकेर गुण्डागर्दिकाे शैलिमा जित हाता पार्न प्रयास गर्ने व्यक्तिले के NRNA काे साख बचाइराख्न सक्लान त ? युराेप तथा अमेरिका जस्ता सभ्यता सम्पन्न मुलुकमा रहेका नेपालीहरुकाे दरिद्र र अमानवीय शैली देखेर सायद लाज पनि आफै लजाउन थालेकाे छ हाेला । तर ती NRNA नामक हिंस्रक समुहहरुलाइ न त लाज छ न त सरम । हुन त बिदेशमा रहेका पैसावालाहरुकाे लाज सरम इज्जत बेईज्जत सबै पैसाले छाेप्दाे रहेछ ।
अब कुरा गराै NRNA पाेर्चुगलकाे पाेर्चुगलमा कसैलाई गाली खान मन छ भने, यहाँ रहेका सामाजिक ग्रुपहरुमा NRNA काे प्रशंसा गर्दै एक पाेस्ट लेखे पुग्छ । यदि यस्ताे पाेस्ट लेख्याै भने नेपाली शब्दकाेषमा समेत नअटाएका असभ्य तथा अश्लील शब्दहरुकाे गालि मज्जाले खान पाईन्छ। यसरी गालि गर्नेहरु कुनै संगठित समुहका मानिसहरु हाेईनन यिनिहरु त केबल NRNA पाेर्चुगल र यसका पदाधिकारीहरुका प्रबृत्तिबाट वाक्क दिक्क प्याक्क भएका आप्रवासीहरु नेपालीहरु हुन । उनिहरुकाे उक्त संस्था प्रति कति बितिष्णा छ भन्ने कुराकाे याे ज्वलन्त उदाहरण हाे । उनिहरुले प्रयाेग गर्ने शब्द र शिष्टता पटक्कै ठिक हाेईन तर सबैकाे प्रिय हुनुपर्ने संस्थाप्रति नै मानिसहरु किन यति धेरै बितिष्ण छन भन्ने महत्त्वपूर्ण प्रश्न हाे ?
पाेर्चुगलमा बस्ने अधिकांश नेपालीहरुले NRNA पाेर्चुगललाई बिश्वास गर्दैनन, यसकाे मुख्य कारण NRNA पाेर्चुगलले गर्ने गरेकाे करिब करिब शुन्य कार्यसम्पादन र NRNA पदाधिकारीहरुका आचरण नै हाे । NRNA पाेर्चुगलकाे बारे राम्रो समाचारहरु खासै सुन्न पाइदैन, NRNA पदाधिकारीहरुकाे भट्टिमा हुने झैझगडा हात हालाहाल, आर्थिक अनियमितता, ठगी, दलालि यी र यस्तै समाचारहरु सुन्न पाईन्छ NRNA पाेर्चुगलकाे बारे । अनि कसरि बिश्वास गर्नु त NRNA पाेर्चुगल लाई ? पाेर्चुगलमा विभिन्न दुख पीडामा रहेका नेपालीहरुकाे सारथि बन्नुपर्ने NRNA उनिहरुकै बितिष्णाकाे केन्द्र बनेकाे छ । जन्म दिनकाे शुभकामना दिने र मृत्युुमा श्रद्धाञ्जली दिने बाहेक अरु राम्रो काम केही गर्दैन NRNA पाेर्चुगलले भन्ने गरेकाे पाइन्छ । अरु जे जे भए पनि बिभिन्न कारणले मृत्युु हुनुभएका नेपालीहरुकाे शब व्यवस्थापनमा NRNA पाेर्चुगलले गरेकाे काम चाहिँ सन्तोषजनक नै छ, दुख पर्दा काम नलागे पनि मर्दा चाहिँ काम लागेेकाे छ NRNA पाेर्चुगल । यसका नराम्रो कामहरु चाहिँ भनी साध्य छैन, लेेखि साध्य छैन ।
पाेर्चुगलमा रहेका अधिकांश नेपालीहरुले चासाे नदिएकाे NRNA पाेर्चुगल आफ्नो अधिबेशनकाे नजिक नजिक छ । यहाँ रहेका अधिकांश नेपालीहरुले यसलाई कुनै चासोको बिषयकाे रुपमा लिएका छैनन । तर निकै साँघुरो घेरा भित्र चुनावी माहाेल तातिरहेकाे छ NRNA पाेर्चुगलकाे ।
यकिन कति संख्यामा नेपालिहरुकाे बसाेबास छ त भन्ने बारेमा कुनै तथ्यांक छैन यहाका आधिकारिक संस्थाहरुमा । करिब ३५/४० हजारकाे हाराहारीमा नेपाली हुनसक्ने अनुमान गरिन्छ यहाँ । यति धेरै संख्यामा नेपालीहरु रहेकाे पाेर्चुगलमा, NRNA सदस्यता लिने हरुकाे संख्या निकै न्यून छ । मानिसहरु सदस्यता लिन समेत गाह्रो मान्ने परिस्थिति छ पाेर्चुगलमा ।
निकै साँघुरो घेरा भित्र सिमित रहेकाे NRNA पाेर्चुगलकाे निर्वाचन यहि जुलाई ३१ तारिख मा हुँदै छ । उम्मेदवारहरु बिच पदकाे लेनदेन मिलेन भने सायद ताेकिएकाे दिन ताेकिए कै समयमा निर्वाचन हुन्छ हाेला । अहिले उम्मेदवारी घाेषणा संगै सामाजिक संन्जाल मार्फत भाेट माग्ने काम शुरु गरिसकेका छन उम्मेदवारहरु । उम्मेदवारहरुकाे अनुहार हेर्याै भने प्राय पुरानै अनुहार हरु देखिन्छ । प्रायःजसो पाेर्चुगलमा सक्रिय रहेका कुनै न कुनै सस्थामा आबद्ध भएर पद लिएका तर कार्यसम्पादन सन्ताेषजनक नभएका अनुहारहरु नै देखिन्छ अहिलेकाे NRNA काे उम्मेदवारहरुमा । उनिहरु कुन कुन संस्थाकाे कुन कुन पदमा बसे र उनिहरुले के राम्रो काम गरेबापत अब NRNA मा भाेट हाल्नुपर्ने त भन्ने बारे केही खुलाउन चाहेका छैनन अहिलेसम्म ।
हामी कुनै संस्थामा पदिय जिम्मेवारी लिन्छाै र त्यसकाे उचित कार्यसम्पादन गर्न सक्दैनौं भने हामी फेलर नै हुन्छाै । उम्मेदवारहरु भाेट माग्दै गर्दा, के काे लागि उनिहरुलाई भाेट दिने त ? भन्ने प्रश्नको जवाफ दिएका छैनन । अब छिट्टै उनिहरुले प्रतिबद्धता प्रत्र तयार पार्लान र सार्वजनिक गर्लान तर त्याे प्रतिबद्धता पूरा गर्ने आधारहरु कसरी प्रस्तुत गर्ने हुन त्याे हेर्न बाकि नै छ । उनिहरुका प्रतिबद्धता पत्रलाई बिश्वास गर्ने कि नगर्ने भन्ने कुराकाे मापन भनेकाे , उनिहरु याे भन्दा अगाडि कुन संस्थाकाे कुन पदमा थिए तर उक्त पदमा रहेपछि बधाई खाने र खादा लगाउने बाहेक अरु के काम गरे त ? भन्ने हेर्नुपर्ने हुन्छ ।
पाेर्चुगलका अधिकांश संस्थाहरुका कार्यसम्पादन हेर्ने हाे भने राम्रो कार्यसम्पादन लगभग लगभग शुन्य नै छ । अब तिनै संस्थाहरुमा रहेका ब्यक्तिहरु आएपछि NRNA काे कार्यसम्पादनमा सुधार आउनेछ भन्ने कसरी बिश्वास गर्ने त ?
अब प्रत्येक उम्मेदवारहरुले मलाई नै भाेट किन ? भन्ने प्रश्नको जवाफ सार्वजनिक गर्नुपर्दछ । कुन पदमा रहेर ,कुन चाहिँ राम्रो काम गर्नुभयो र अब तपाईंलाई बिश्वास गर्ने त ? भन्ने प्रश्न आम मतदाताहरुले गर्नुपर्ने हुन्छ । हुन त कसले कसलाई प्रश्न गर्ने , उनै उम्मेदवार कै वरिपरिरहेका नातागाेता नै छन अधिकांश मतदाताहरु । चुनावकाे दिन गयाे आफन्त लाई च्याप्प भाेट हान्याे फर्क्याे टन्टै साफ ।
जय देश जय नेपाल
Comments
