Advertisement
२७ जेठ, एजेन्सी । युरोकपको सुरुवात हुन पूर्व आफ्नो अन्तिम मैत्रीपूर्ण खेलमा पोर्चुगलले जित निकालेको छ ।
बुधबार राति भएको खेलमा पोर्चुगलले इजरायललाई ४-० गोल अन्तरले पराजित गरेको हो ।
पोर्चुगलको जितमा ब्रुनो फर्नान्डेसले दुई गोल गरे । यस्तै क्रिस्टियानो रोनाल्डो र जोआ कान्सेलोले एक एक गोल गरे ।
खेलको ४२ औं मिनेटमा फर्नान्डेसले गोल गर्दै पोर्चुगललाई सुरुवाती अग्रता दिलाएका थिए । ४४ औं मिनेटमा कप्तान रोनाल्डोले गोल गर्दै टिमको अग्रता २-० को बनाए ।
खेलको ८६ औं मिनेटमा जोआले गोल गर्दा पोर्चुगल ३-० ले अघि रह्यो । त्यसपछि खेलको इन्जुरी समयमा फर्नान्डेसले व्यक्तिगत दोस्रो गोल गर्दै पोर्चुगललाई ४-० को जित दिलाए ।
साविक विजेता समेत रहेको पोर्चुगल यस पटक कठिन समूहमा रहेको छ । पोर्चुगल रहेको समूह ‘एफ’ मा विश्वकप विजेता फ्रान्स, जर्मनी र हंगेरी रहेको छ । पोर्चुगलले पहिलो खेल हंगेरीसँग खेल्नेछ । युरोकप फुटबल जुन ११ देखि जुलाई ११ सम्म आयोजना हुँदैछ ।
यस पटकको युरोकप युरोपका विभिन्न ११ शहरमा हुँदैछ ।
Comments
