(एसईई) र कक्षा १२ को परीक्षाको मोडेल बारे छिटै निर्णय हुने
०१ जेठ, काठमाडौँ । शिक्षा, विज्ञान तथा प्रविधिमन्त्री कृष्णगोपाल श्रेष्ठले माध्यमिक शिक्षा परीक्षा (एसईई) र कक्षा १२ को परीक्षाको मोडेल बारे छिटै निर्णय हुने बताउनुभएको छ । मन्त्रालयमा शुक्रबार दोस्रो कार्यभार सम्हाल्ने क्रममा मन्त्री श्रेष्ठले सो कुरा बताउनुभएको हो ।
एसईई र कक्षा १२ को परीक्षाको तयारी गरिरहेका विद्यार्थी तथा तिनका अभिभावक र शिक्षकको परीक्षा प्रति चिन्तित रहेको अवस्थामा परक्षिा कसरी सञ्चालन गर्ने भन्ने बारे छिटै निर्णय गरिने बताउनु भएको हो ।
केही दिनअघि शिक्षा तथा मानव स्रोत विकास केन्द्रका महानिर्देशक वैकुण्ठ अर्यालको संयोजकत्वमा दुई परीक्षाको विधिका बारेमा अध्ययन गर्न कार्यदल गठन भएको थियो । सो कार्यदलको समयावधि १५ दिन तोकिएको छ ।
मन्त्री श्रेष्ठले कार्यदलले प्रतिवेदन पेस गर्नासाथ आफूहरूले सोही आधारमा निर्णय गर्ने जानकारी दिँदै परीक्षाको ‘मोडेल’ परिवर्तन गर्नुपर्ने अवस्था रहेको बताउनुभयो ।
त्यसै गरी पदवहालीको अवसरमा मन्त्री श्रेष्ठले प्राविधिक शिक्षा तथा व्यावसायिक तालिम परिषद् (सीटीईभीटी)को पाँच वर्षे रणनीतिसम्बन्धी अध्ययन गर्न कार्यदल गठन गर्नेबारेमा पहिलो निर्णय गर्नुभएको छ । यसैबीच गत पुस १२ गते पदभार गर्नु भएका श्रेष्ठले साढे चार महिनामा गर्नुभएका मुख्य २० वटा काम सार्वजनिक गरिएको थियो । मन्त्रीको पहिलो कार्यकालमा ६ अर्ब रुपियाँ बराबरको राष्ट्रपति शैक्षिक सुधार कार्यक्रम कार्यन्वयनमा आएको थियो ।
यो पनि पढ्नुहोस्: