महिला र किशोरीहरुको लागि समान अधिकार आवश्यकः संयुक्त राष्ट्र प्रमुख
२५ फागुन, एजेन्सी । संयुक्त राष्ट्रका महासचिव एन्टोनियो गुटेरेसले अन्तर्राष्ट्रिय महिला दिवसका अवसरमा महिला र किशोरीहरुको लागि समान अधिकार आवश्यक रहेको बताएका छन् ।
एक भिडियो सन्देशमार्फत उनले महिला र किशोरीहरुको अधिकार पनि पुरुष सरह हुनुपर्ने बताएका हुन्। हरेक वर्ष मार्च ८ मा महिला दिवस मनाइन्छ । उनले समानताको लडाइमा महिलाहरुले गरेका आन्दोलनहरु प्रशंसायोग्य रहेको बताए। उनले प्रगतिलाई अझ न्यायपूर्ण र समानतातर्फ अघि बढाउन आवश्यक रहेको बताउदै विश्वमा अझै पनि पुरुषप्रधान संस्कृति हाबी भएको भन्दै यसलाई समानतातिर लैजानुपर्ने बताए ।
उनले महासंघ महिलाका हक र अधिकारको सुनिश्तिताका लागि साथमा रहेको बताउदै व्यापार, वित्त, केन्द्रिय बैंक र अर्थ मन्त्रालयमा पनि महिला नेतृत्वको संख्या बढाउन आवश्यक रहेको बताए । महिला र किशोरीहरूको आवश्यकतालाई सम्बोधन गर्ने नीति र कार्यक्रमहरूमा लगानी बढाउन आवश्यक रहेको उनकाे भनाइ थियाे ।
संयुक्त राष्ट्र प्रमुखद्वारा सुडानमा रमजान महिनामा युद्ध अन्त्य गर्न आह्वान
संयुक्त राष्ट्रसंघका महासचिव गुटेरेसले सुडानमा रमजानको पवित्र महिनामा शत्रुता अन्त्य गर्न आह्वान गरेका छन् । उनले रमजानमा शत्रुता अन्त्य गरी अघि बढ्न आग्रह गरे । रमजानले शत्रुता अन्त्य गर्ने आफ्नो विश्वास रहेको बताउनु भयो । अर्को महिना सुडानी सशस्त्र बल र द्रुत समर्थन बलहरू बीचको क्रुर लडाईको प्रकोपको एक वर्ष हुनेछ । द्वन्द्वले सुडानका जनतामा विनाशकारी क्षति पु¥याएको छ । देशको एकतालाई खतरामा पारेको महासचिव गुटेरेसले बताए ।
उनले अब हतियार राख्ने समय आएको बताउदै सुडानमा मानवीय संकट ठूलो मात्रामा रहेको बताए । द्वन्द्वले नागरिक पूर्वाधारलाई ध्वस्त पारेको र आधारभुत सेवाहरू ठप्प भएको बताए। द्वन्द्व प्रभावित क्षेत्रका ७० प्रतिशतभन्दा बढी स्वास्थ्य संस्था सञ्चालनमा नरहेको भन्दै उनले लाखौं बालबालिका विद्यालय बाहिर रहेको, खानेपानी र सरसफाइको व्यवस्था नरहेको बताए ।