रेकर्ड मूल्यबाट घट्यो सुनको भाउ
१३ कर्तिक, काठमाडाैं । निरन्तर मूल्य बढेर रेकर्ड ब्रेक गरिरहेको सुनको भाउ आज तोलामा ५ सय रुपैयाँले घटेको छ । नेपाल सुनचाँदी व्यवसायी महासंघका अनुसार आज सुनको छापावाला सुनको मूल्य १ लाख १६ हजार ५०० रुपैयाँ र तेजाबी सुनको मूल्य १ लाख १५ हजार ९५० रुपैयाँ रहेको छ ।
हिजो १ हजार रुपैयाँले बढेर छापावाला सुनको १ लाख १७ हजार र तेजाबी सुन १ लाख १६ हजार ४५० रुपैयाँमा कारोबार भएको थियो । जुन हालसम्मकै उच्च मूल्य हो ।
साथै आज चाँदीको मूल्यमा समेत गिरावट आएको छ । सोमबार चाँदी प्रतितोला १ हजार ४१० रुपैयाँमा कारोबार भइरहेको छ । हिजो चाँदीको मूल्य प्रतितोला १ हजार ४१५ रुपैयाँ थियो ।
आज अन्तर्राष्ट्रिय बजारमा सुनको मूल्य प्रति औंस २ हजार १ डलरमा कारोबार भइरहेको छ । हिजो २ हजार ६ डलर प्रति औंसमा कारोबार भइरहेको सुनको मूल्यमा आएको गिरावटसँगै नेपालमा पनि सुनको मूल्य घटेको हो । यस्तै आज अन्तर्राष्ट्रिय बजारमा चाँदी प्रति औंस २३.१३ डलरमा कारोबार भइरहेको छ ।