जसपाको संसदीय दलको बैठक बस्दै
०३ माघ, काठमाडौं । जनता समाजवादी पार्टी नेपालको संसदीय दलको बैठक बस्दै छ। पार्टीले आज बैठक बोलाएको हो।
वर्तमान राजनीतिक घटनाक्रमबारे छलफल गर्न बैठक बोलाइएको हो। बैठक आज दिउँसो २ बजे पार्टी कार्यालयमा बस्नेछ।
यसैबीच जसपाले तत्काल सरकारमा सहभागी नहुने बताएको छ। मन्त्रालय बाँडफाँटमा न्यायोचित निर्णय नभएको भन्दै जसपा अध्यक्ष उपेन्द्र यादवले अहिले सरकारमा सहभागी नहुने बताएका छन्।