Advertisement
२४कात्तिक, काठमाडाैं । ‘एनएमबि सुलभ इन्भेष्टमेन्ट फण्ड–२’ को इकाई बिहीबारदेखि धितोपत्रको दोस्रो बजारमा कारोबारमा आउने भएको छ ।
नेपाल स्टक एक्सचेञ्ज (नेप्से) मा बुधबार दश रुपैयाँ अंकित दरमा १ अर्ब २२ करोड १० लाख मूल्यको फन्डको १२ करोड २१ लाख इकाई सूचीकृत गरेसँगै आजदेखि दोस्रो बजारमा कारोबारका लागि बाटो खुलेको हो ।
नेप्सेमा सूचीकरण सम्झौता भएको दोस्रो दिनदेखि धितोपत्रको दोस्रो बजारमा कारोबार खुल्ने व्यवस्था छ । सोही अनुसार बिहीबार स्पेशल प्रि–ओपन सेसनमा फन्डको इकाई खरिद बिक्रीका लागि कारोबार म्याचिङ्ग सम्भव भए आजदेखि नै कारोबार खुल्नेछ ।
दोस्रो बजारमा इकाई कारोबारका लागि नेप्सेले एनएमबि सुलभ इन्भेष्टमेन्ट फण्ड–२ लाई स्टक सिम्बोल एनएसआईएफ–२ (NSIF2) काराेबार संकेत दिएको छ ।
एमएमबि म्युचुअल फण्डअन्तर्गत सञ्चालन हुने एनएमबि सुलभ इन्भेष्टमेन्ट फण्ड-२ को इकाई योजना व्यवस्थापक एनएमबि क्यापिटलले साउन २६ गतेदेखि भदौ ९ गतेसम्म निष्कासन तथा बिक्री खुला गरेको थियो ।
Comments
