Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

मतदान केन्द्रमा एक हजार ४२२ कर्मचारी खटाइने

0 75

२२ कात्तिक, डोटी । मंसिर ४ गते हुने प्रतिनिधि सभा तथा प्रदेश सभा सदस्य निर्वाचनको लागि डोटी जिल्लामा एक हजार ४२२ जना कर्मचारी मतदान केन्द्रमा खटिने भएका छन् ।

जिल्लाका १७८ मतदान केन्द्रमा ८ जना जगेडा कर्मचारीसहित एक हजार ४२२ जना कर्मचारी खटिने मुख्य निर्वाचन अधिकृतको कार्यालय डोटीले जानकारी दिएको छ । जगेडा कर्मचारीहरूमा चार जना मतदान अधिकृत र चार जना सहायक मतदान अधिकृत रहेका छन्् ।

जिल्लामा एक सय १५ मतदान स्थल रहेका छन् । एक प्रतिनिधिसभा सदस्य निर्वाचन क्षेत्र र दुई वटा प्रदेश सभा सदस्य निर्वाचन क्षेत्र रहेको डोटीमा एक सय ७८ मतदान अधिकृत, एक सय ७८ सहायक मतदान अधिकृत, आठ सय ८८ सहायक कर्मचारी र एक सय ७८ सहयोगी कर्मचारी मतदान गराउन खटाउन लागिएको हो ।

Subscribe to our newsletter

कर्मचारीहरुका असन्तुष्टि

मुख्य निर्वाचन अधिकृतको कार्यालयले प्रतिनिधि सभा तथा प्रदेश सभा सदस्य निर्वाचन (जनशक्ति व्यवस्थापन) निर्देशिका विपरी कर्मचारी खटाउन लागेको भन्दै केही कर्मचारीहरुले असन्तुष्टि पोखेका छन् ।

निर्देशिकाले राजपत्र अनंकित पाँचौं र चौथो श्रेणीको कर्मचारीलाई मात्र सहायक कर्मचारी खटाउन सकिने व्यवस्था गरेको छ । यस्तै स्थायी कर्मचारी नभएमा मात्र करार तथा ज्यालादारीका कर्मचारी खटाउन सकिने, त्यतिले नपुगेपछि शिक्षक खटाउन सकिने व्यवस्था छ ।

तर, मुख्य निर्वाचन अधिकृतको कार्यालयले कार्यालय सहयोगीलाई सहायक कर्मचारी बनाएको, स्थायी कर्मचारीलाई नखटाएर जुनियर करार र ज्यालादारीका कर्मचारीलाई खटाएको आरोप कर्मचारीहरुले लगाएका छन् ।

कर्मचारीहरुले निजामती कर्मचारी हुँदाहुँदै शिक्षकहरुलाई खटाएको समेत आरोपसमेत लगाएका छन् ।

मुख्य निर्वाचन अधिकृत एवं डोटी जिल्ला न्यायाधीश शिवलाल पाण्डेयले अपवादका रुपमा मतदान अधिकृतको सहजताका लागि मतदान अधिकृत कार्यरत कार्यालयका हलुका सवारी चालक सहायक कर्मचारीमा परेको हुन सक्ने बताए ।



मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.