तीन संसदीय समितिको बैठक बस्दै
२३ भदाै, काठमाडौं । आज बिहीबार संघीय संसद्का तीन समितिको बैठक बस्दैछ। कानुन, न्याय तथा मानव अधिकार, दिगो विकास तथा सुशासन र प्रत्यायोजित व्यवस्थापन तथा सरकारी आश्वासन समितिको बैठक बस्न लागेको हो।
कानुन समितिको बैठक बिहान ११ बजे संघीय संसद् सचिवालयमा बस्नेछ। दिगो विकास तथा सुशासन समितिको बैठक दिउँसो १ बजे समितिको हलमा बस्नेछ। बिहीबारको बैठकमा समितिको सभापतिको निर्वाचनका बारेमा छलफल हुनेछ।
यसैगरी, प्रत्यायोजित व्यवस्थापन तथा सरकारी आश्वासन समितिको बैठक पनि दिउँसो १ बजे समितिको सभाकक्षमा बस्नेछ। बैठकले समितिको सभापतिको निर्वाचनको सम्बन्धमा छलफल गर्नेछ।