Advertisement
२९ माघ, काठमाडाैं । इण्डियन प्रिमियर लिग (आईपीएल) को मेगा अक्सन आजदेखि शुरु हुँदैछ ।
चारवर्षको अवधिपछि आज पहिलोपटक आइपीएलको मेगा अक्सन हुन लागेको हो । पछिल्लोपटक सन् २०१८ मा मेगा अक्सान भएको थियो ।
यसपटक विश्वकै सबैभन्दा ठूलो टि २० फ्रेन्चाइज क्रिकेट लिगमा दुई नयाँ टिम थपिएर १० वटा टिमले सहभागिता जनाउँदैछ ।
थपिने दुई नयाँ टिममा लखनउ सुपर जायन्ट्स र गुजरात टाइटन्स् रहेका छन् ।
भारतको ब्याङ्ग्लोरमा हुने यस मेगा अक्सनमा नेपालका सन्दिप लामिछानेसहित ५९० खेलाडीहरुको नामको सहभागिता रहनेछ । जसमध्येबाट यसपटकको आइपीएलमा २१७ खेलाडी छनोट हुनेछन् ।
यसपटकको अक्सनका लागि नेपालका कप्तान सन्दिपसहित १५ जना खेलाडीहरुले आफ्ना् नाम पठाएका थिए तर अन्तिम अक्सनका लागि उनले मात्र स्थान बनाए ।
अक्सनमा सन्दिपले आफ्नो न्युनतम मुल्य ४० लाख भारतीय रकम तोकेका छन् । उनले यसअघि दिल्ली क्याििपटल्सबाट खेलिसकेको अनुभव पनि रहेकोले यसपटक उनलाई कुनै टिमले लिन सक्ने अनुमान रहेको छ ।
अक्सनमा शुरुमा १० मार्की खेलाडीहरुलाई राखिनेछ । यसपछि मात्रै बाँकी खेलाडीहरुको अक्सन शुरु हुनेछ ।
यो सिजनको आइपीएल मार्च २७ तारिखबाट शुरु हुनेछ ।
यसअघि नै ३३ जना खेलाडीहरुलाई क्लबहरुले भारतीय रकम ३४३ दशमलब ७ करोडमा खरिद गरिसकेको छ ।
अक्सनमा कुल ९ सय करोड रुपैयाँको बोलि लाग्नेछ । अक्सन आज दिउँसो सबा १२ बजेबाट शुरु हुनेछ ।
अक्सनका लागि १० टोलीसँग भारतीय रकम ५५६ लशमलब ३ करोड रुपैयाँको पर्स रहनेछ ।
Comments
