मंगलबार सुनचाँदी दुवैको मूल्यमा सामान्य वृद्धि
२७ पुस, काठमाडाैँ । सुनचाँदी दुबैको मूल्यमा मंगलबारसामान्य वृद्धि भएको छ । नेपाल सुनचाँदी व्यवसायी महासंघका अनुसार सोमबारको तुलनामा मंगलबार सुन तोलामा ३०० रुपैयाँ र चाँदी १० रुपैयाँले बढेको हो ।
महासंघका अनुसार मंगलबारका लागि नेपाली बजारमा छापावाला सुनको मूल्य प्रतितोला ९१ हजार ६०० रुपैयाँ र तेजावी सुनको मूल्य ९१ हजार १०० रुपैयाँ कायम गरिएको छ ।
सोमबार छापावाला सुन तोलाको ९१ हजार ३०० रुपैयाँ र तेजावी सुन प्रतितोला ९० हजार ८०० रुपैयाँमा कारोबार भएको थियो ।
यस्तै आज चाँदीको मूल्य पनि बढेको छ । महासंघका अनुसार मंगलबार चाँदीको मूल्य प्रतितोला १० रुपैयाँले बढेर १ हजार २३० रुपैयाँ कायम भएको छ । सोमबार चाँदी तोलाको १ हजार २२० रुपैयाँमा कारोबार भएको थियो ।
महासङ्घले अन्तर्राष्ट्रिय बजारमा हुने सुनचाँदीका मूल्यको उतार चढावका आधारमा यहाँँ दैनिक सुन तथा चाँदीको कारोबार मूल्य तोक्दै आएको छ ।
अन्तरराष्ट्रिय बजारमा आज सुन प्रतिऔँस १ हजार ८०६ डलर आसपासमा कारोबार भइरहेको छ । यस्तै चाँदी प्रतिऔँस २२.५३ डलर आसपासमा कारोबार भइरहेको छ ।