Advertisement
१२ जेठ, क्याम्प नाउ । बार्सिलोनाले म्यानेजर ज्याभीलाई बर्खास्त गरी बायर्न म्युनिखका पूर्व प्रशिक्षक हान्सी फ्लिकलाई उनको स्थानमा नियुक्त गरेको छ ।
ज्याभीले आइतबार अन्तिम पटक बार्सिलोनाको जिम्मेवारी सम्हाल्नेछन्, जब टोलीले सिजनको अन्तिम ला लिगा खेलमा सेभियाको आतिथ्य गर्नेछ।
२०२५ सम्म करारमा रहेका ४४ वर्षीया ज्याभीलाई शुक्रबार क्लबका अध्यक्ष जोन लापोर्टा र खेलकुद निर्देशक डेकोसँगको बैठकमा क्लबको निर्णयको बारेमा जानकारी दिइएको थियो । जबकि ठिक एक महिना मात्र उनी क्लबमा नै रहने घोषणा गरिएको थियो ।
पूर्व स्पेनी मिडफिल्डर ज्याभीले जनवरीमा क्याम्प नाउ छाड्ने घोषणा गरेका थिए तर अप्रिलमा लापोर्टाले उनलाई क्लबमा नै बस्न राजी गरे। तर हालै क्लबको आर्थिक संघर्षको बारेमा ज्याभीले गरेको टिप्पणीहरूबाट लापोर्टा रिसाएको भनिन्छ।
बार्सिलोनाले सन् २०२१ मा पदभार ग्रहण गरेदेखि ‘ज्याभीलाई प्रशिक्षकको रूपमा काम गरेकोमा धन्यवाद’ दिएको छ । फ्लिकले नेतृत्व लिएपछि ‘नयाँ संरचना’ आगामी दिनहरूमा पुष्टि हुने क्लबले जनाएको छ। सेप्टेम्बर २०२३ मा जर्मनीले बर्खास्त गरेपछि ५९ वर्षीय फ्लिक कामविहीन छन्।
सन् २०२१ मा राष्ट्रिय प्रशिक्षकको रूपमा जोआचिम लोको ठाउँमा आएका फ्लिक, सन् १९२६ मा भूमिका सिर्जना गरेपछि बर्खास्त हुने पहिलो जर्मन व्यवस्थापक बनेका थिए ।
आफ्नो नेतृत्वमा उनले २५ खेलहरूमध्ये १२ मात्रै जितेका थिए। बायर्न म्युनिखलाई २०२० मा बुन्डेसलिगा, डीएफबी-पोकल र च्याम्पियन्स लिगसहित ट्रेबल जिताएपछि फ्लिक जर्मनीको राष्ट्रिय टोलीसँग आबद्ध भएका थिए ।
उता २०२२-२३ मा ला लिगाको उपाधि दिलाएपछि ज्याभीको बार्सिलोनाले यस सिजनमा आफ्नो ताजको लागि निराशाजनक रक्षा गरेको थियो । सिजनमा एक खेल बाँकी रहँदा क्याटान क्लब प्रतिद्वन्द्वी रियल म्याड्रिडभन्दा १२ अंकले पछि छ । बार्सिलोना च्याम्पियन्स लिगको क्वार्टरफाइनलमा पेरिस सेन्ट जर्मेनसँग पराजित भएको थियो ।
ला मासिया एकेडेमीबाट बाहिर आएका खेलाडीको रूपमा ज्याभीले बार्सिलोनासँग १७ वर्ष बिताए। कतारी पक्ष अल-सदबाट चार वर्ष खेलेपछि ज्याभीले सन् २०१९ मा सन्न्यास लिँदै टोलीको म्यानेजरको जिम्मेवारी सम्हाले।
नोभेम्बर २०२१ मा बार्सिलोनाको प्रशिक्षकको रूपमा रोनाल्ड कोम्यानलाई विस्थापित गर्नुअघि उनी थप दुई सिजन कतारमा नै रहे। ज्याभीले आफ्नो पहिलो पूर्ण सिजनमा नै क्लबलाई ला लिगा उपाधि र स्पेनिस कप जिताउन सफल भए ।
यता सेभियाका प्रशिक्षक क्विक सान्चेज फ्लोरेसले बार्सिलोनाले ज्याभीलाई गरेको व्यवहारको आलोचना गरेका छन् । ‘मैले यो भन्नु हुँदैन, तर बार्सिलोनाले आफ्ना दिग्गजहरूसँग कत्तिको नराम्रो व्यवहार गर्छ। कस्तो नराम्रो लय हो,’ फ्लोरेसले शुक्रबार दिउँसो पत्रकारहरूलाई भने, ‘कोम्यानसँग, मेस्सीसँग, अहिले ज्याभीसँग – कति नराम्रो। म चाहन्छु कि क्लबहरूले उनीहरूका लिजेन्डहरूसँग राम्रो व्यवहार गरोस्। त्यो शानदार हुनेछ। ज्याभी क्लबका लिजेन्ड हुन्।’
बार्सिलोनाको प्रशिक्षकको रूपमा आफ्नो १४१ खेलहरूमा ज्याभीले ८९ खेलहरू जितेका थिए । उनको जीतको अनुपात ६३ प्रतिशत रह्यो ।
Comments
