पानी पर्दा हिलो, घाम लाग्दा धुलो, कहिले सकिएला बुटवल–नारायणगढ सडकको काम ?
Advertisement
१५ बैशाख, बुटवल । वि सं २०७५ चैत ८ गते तत्कालीन प्रधानमन्त्री केपी शर्मा ओलीले शिलान्यास गरेको ११३ किलोमिटर बुटवल–नारायणगढ सडक खण्ड ६ वर्षसम्म निर्माण सम्पन्न हुन सकेको छैन ।
बुटवल–नारायणगढको सडक सहरी भेगमा सिक्स लेन र जङ्गली क्षेत्रमा फोर लेनमा विस्तार कार्य दुई खण्डमा विभाजन गरेर काम अघि बढाइएको थियो । एसियन राजमार्गको गुणस्तर मापदण्डमा विस्तार गर्ने भनेर २०७५ सालमा सम्झौता भएको सडकको भौतिक प्रगति अहिलेसम्म ५० प्रतिशत पनि पुग्न सकेको छैन ।
पानी पर्दा हिलो, घाम लाग्दा धुलोलेअहिले सर्वसाधारणले हैरानी खेप्नुपरेको छ। काम सुरु भएको ६ महिनासम्म पनि पूर्व तयारी नभएको यो आयोजना त्यस लगतै कोभिड महामारीले काम अघि बढ्न सकेन। अहिले पूर्व र पश्चिम खण्डका केहि ठाउँमा कालोपत्रे सुरु भएको छ ।
१६ अर्ब ९९ करोड ५२ लाख रुपैयाँ लागत लाग्ने यो योजनामा एसियाली विकास बैंकले ८५ प्रतिशत र बाँकी नेपाल सरकारको लगानी रहने छ।
मनिष अर्याल/नेपाल फोटो लाइब्रेरी
Comments
