Advertisement
१५ असाेज, काठमाडाैं । काठमाडाैँ।हाल मनसुनको न्यून चापीय रेखा सरदर स्थानमा अवस्थित छ। साथै, भारतको बिहार र पश्चिम बंगालमा विकसित न्यून चापीय क्षेत्रको प्रभाव पनि नेपाली आकाशमा देखिएको छ।
आज तीनवटा प्रदेशमा मुसलधारे वर्षा हुने पूर्वानुमान जल तथा मौसम विज्ञान विभागले गरेको छ।विभागका अनुसार कोशी, मधेश र लुम्बिनीका केही क्षेत्रमा भारी वर्षा हुने सम्भावना छ। यस्तै, कोशी, मधेश, वागमती, गण्डकी र लुम्बिनीका केही तथा बाँकी प्रदेशका थोरै स्थानमा हल्कादेखि मध्यम वर्षा हुने सम्भावना छ।
आज दिउँसो देशभर सामान्य बदली रहनेछ। कोशी, मधेश, वागमती, गण्डकी र लुम्बिनीका केही तथा बाँकी प्रदेशका थोरै स्थानमा हल्कादेखि मध्यम वर्षाको सम्भावना छ। कोशी, मधेश र लुम्बिनीका १-२ स्थानमा भारी वर्षाको समेत सम्भावना छ।
आज राति देशभर आंशिकदेखि सामान्य बदली रहनेछ। कोशी, मधेश, वागमती र लुम्बिनीका केही तथा बाँकी प्रदेशका १-२ स्थानमा हल्कादेखि मध्यम वर्षाको सम्भावना छ।
Comments
