Advertisement
०३ असोज, काठमाडाैं । शाहरुख खानको फिल्म ‘परदेस’ बाट डेब्यु गरेकी अभिनेत्री महिमा चौधरी अहिले पनि फ्यानहरुको मनमा बसेकी छिन् । यो फिल्मले नायिकालाई रातारात स्टार बनायो । त्यसपछि उनी धेरै राम्रा प्रोजेक्टमा देखिइन् ।
जसमध्ये अजय देवगन र काजोल स्टारर फिल्म ‘दिल क्या करे’ पनि थियो । यो फिल्ममा महिमाको काम मन पराइएको थियो । तर सुटिङका क्रममा उनीसँग यति ठूलो दुर्घटना भयो कि उनको लुक नै बिग्रियो ।महिमा चौधरीले पिङ्कभिलासँगको कुराकानीमा यसबारे बताइन् । उनले भनिन्, ‘बैंगलोरमा सुटिङको अन्तिम दिन थियो । बिहानैदेखि सुटिङ सुरु भएको थियो । म आफ्नो गाडीमा बसिरहेको थिएँ ।उनले थपिन्, ‘गलत साइडबाट दुधको ट्रक आउँदा मेरो कारसँग ठोक्कियो । काँचका टुक्राहरू गोली जस्तै मेरो अनुहारमा लागे।अभिनेत्रीका अनुसार ‘मलाई म मर्छु जस्तो लाग्यो ।
मलाई अस्पताल जान पनि कसैले सहयोग गरेनन् । लामो समयपछि आमा अस्पताल आउनुभयो । अजय आएर कुरा गरे ।‘म उठेर मेरो अनुहारको अवस्था देखेँ। जब तिनीहरूले मेरो शल्यक्रिया गरे मेरो अनुहारबाट ६७ सिसाका टुक्राहरू निस्किए।’त्यतिबेला अभिनेत्रीको अनुहार पूरै बिग्रिएको थियो, जसका कारण उनले धेरै फिल्म छाड्नुपरेको थियो ।
महिमा चौधरीले त्यतिबेला आफ्नो विकृत अनुहारको तस्बिर पत्रिकाको कभरमा छापिएको बताइन् । यसपछि उनको मजाक पनि बनाइयो, जसका कारण उनी धेरै रोइन् ।महिमा चौधरीका अनुसार त्यसबेला अजय देवगनले उनलाई सपोर्ट गरेका थिए । सुटिङमा फर्किएपछि निर्देशकले अनुहारमा क्यामेरा फोकस गरेका थिए, जसका लागि अजयले उनलाई मनाही गरेका थिए । कलाकारले पनि महिमालाई साहस दिए ।
Comments
