Advertisement

एकजना यात्रुलाई पखाला चलेपछि जहाजको आकस्मिक अवतरण !

0 18

Advertisement

२३ भदाै,एजेन्सी। कुनै एकजना यात्रुलाई झाडापखाला लाग्न थालेसँगै अमेरिकामा एउटा जहाजलाई आकाशबाटै फर्काएर आकस्मिक अवतरण गरिएको छ ।

अमेरिकाबाट स्पेनका लागि उडेको डेल्टा एयरलाइन्सको उक्त जहाजका एकजना यात्रुलाई पखाला चलेपछि पाइलटले जहाजलाई युटर्न गराएका थिए ।

गत शुक्रबार राति अमेरिकाको एटलान्टाबाट स्पेनको बार्सिलोनाका लागि उडान भरेको उक्त जहाज उडेको दुई घण्टापछि एक यात्रुलाई चरम रुपमा पखाला लागेसँगै पाइलटले सो जहाजलाई एटलान्टा विमानस्थलमै फिर्ता ल्याएर अवतरण गराएका थिए ।

उक्त जहाजका पाइलट तथा विमानस्थलका एटिसीबीच भएको कुराकानीको एक अंश ट्वीटरमा शेयर गरिएको छ । उक्त कुराकानी अनुसार जहाजमा कुनै प्राविधिक समस्या भएर नभई एक यात्रुको स्वास्थ्य समस्याका कारण जहाज युटर्न गरिएको थियो ।

पाइलटले उक्त आपतकालीन अवस्थालाई बायो हजार्डको विषय भएको बताएका छन् । पाइलटले भनेका छन्, ‘हामीसँग एकजना यात्रु थिए जसलाई जहाजमै पखाला चल्यो । त्यसैले उनले हामीलाई एटलान्टामै फिर्ता छाड्नका लागि अनुरोध गरे ।’

रिपोर्ट अनुसार अन्य सबै यात्रु तथा चालक दलका सदस्यहरुलाई दोस्रो उडानमा स्थानान्तरण गरियो ।

विमान फर्किएसँगै त्यसको पूर्ण सरसफाइँ गरिएको थियो । सबै बन्दोवस्त मिलाएर उक्त जहाज पुनः उडाउनका लागि ८ घण्टाको समय लागेको थियो ।



मल्टिमिडिया ग्यालरी


© Nepali horoscope

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.