प्रदर्शनकारीलाई प्रहरीले मोरङमै रोक्यो
०९ भदाै मोरङ। मोरङबाट धरानतर्फ जान लागेको एउटा धार्मिक टोलीको जुलुसलाई प्रहरीले मोरङको कञ्चनबारीमा रोकेको छ । धरानमा आयोजना गर्न लागिएको शान्ति र सद्भाव र्यालीका सहभागीलाई रोकिएको बताइएको छ ।
गत मध्यरातदेखि जिल्ला प्रशासन कार्यालय, सुनसरीले धरानमा १४ घण्टे निषेधाज्ञा जारी गरेको छ । प्रहरीले धरानतर्फ जान रोकेपछि प्रदर्शनकारीहरु क्रुद्ध देखिन्छन् ।
उनीहरुले धरानमा भएका पछिल्ला घटनाको विरोध गर्दै गौहत्यामा संलग्नलाई कारबाहीको माग गरेका छन् । चर्को नारा लगाउँदै गृहमन्त्री नारायणकाजी श्रेष्ठको राजीनामा समेत मागेका छन् ।