Advertisement
१३ साउन, काठमाडौं । निर्देशक सुदर्शन थापाले अनमोल केसीलाई लिएर फिल्म ‘रावायण’ बनाउने भएका छन् । औसत फिल्म ‘प्रसाद २’ निर्देशन गरेका थापा र ‘फ्लप’ फिल्म ‘२.० छड्के’ का हिराे अनमोलबीच टिमअप हुन लागेको हो ।
‘मेरो एउटा साथी छ’ बाट निर्देशन थालेका थापाले दर्जन फिल्म निर्देशन गरिसकेका छन् । लभ स्टोरी फिल्ममा जमेका थापा र नायक अनमोलको सहकार्यबाट सुखद नतिजा निस्कनेमा अनमोल आशावादी छन् ।
उनले दशौं फिल्म करिअरको दोस्रो सत्रको पहिलो फिल्म हुने बताएका थिए । फिल्म फ्लप भएपछि उनले सामाजिक सञ्जालमा लेखेका थिए, ‘मेरो करिअरको पहिलो सिनेमा मेरो दशौं सिनेमा हुनेछ । अर्थात् मेरो करिअरको दोश्रो सत्रको सुरुवात मेरो अबको सिनेमाबाट हुनेछ ।’
भदौदेखि फ्लोरमा जाने तयारीमा रहेको फिल्ममा अनमोलको दोहोरो भूमिका हुने बताइएको छ । फिल्म एक्सन लभस्टाेरीमा आधारित हुने निर्देशक थापाले बताए ।
मल्टिमिडिया ग्यालरी
Comments
