ओमिक्रोनका नौ सबभेरियन्ट : जसले बढाउँदै छ कोरोना संक्रमण
२१ चैत, काठमाडौं । पछिल्लो दुई सातायता नेपालमा कोरोना संक्रमितको संख्या बढिरहेको छ । स्वास्थ्य तथा जनसंख्या मन्त्रालयको पछिल्लो तथ्यांकानुसार हाल देशभर सक्रिय संक्रमितको संख्या २२७ छ ।
नेपालमा अहिले संक्रमितको संख्या बढ्नुमा ओमिक्रोनको नयाँ सबभेरियन्ट एक्सबीबी.१.१६ मुख्य कारक देखिएको छ । राष्ट्रिय जनस्वास्थ्य प्रयोगशालाको जिन सिक्वेन्सिङ रिपोर्टअनुसार पछिल्लोपटक परीक्षण गरिएका २४ नमुनामा सबैभन्दा धेरै १० जनामा सो सबभेरियन्ट पुष्टि भएको छ ।
यस्तै, अहिले नेपालमा ओमिक्रोनका बीए.१.१, बीए.२, बीए.२.७६, बीए.५, बीए.५.२, एक्सबीबी.१.५, एक्सबीबी.२.६ र एक्सबीएफ सबभेरियन्टहरू सक्रिय रहेको रिपोर्टले देखाएको छ ।
भारतबाट नेपाल भित्रने नाकामा कोरोना संक्रमितको संख्या बढिरहेकाले सतर्कता अपनाउन र ‘बुस्टर डोज’ खोप लगाउन मन्त्रालयले आग्रह गरेको छ ।